ئەسما محەمەد

 

دێرک-لە نێو کۆڵانە قوڕاوییەکان و هەوای بۆنخۆشی خاکدا، چیرۆکی ژنە خۆڕاگرەکان شاراوەن کە وردەکارییەکانی ڕۆژەکەیان بە تارەکانی خۆر و کار دەبەستنەوە. لە گوندی حەمزە بێگ لە پارێزگای دێریک لە باکوور و ڕۆژهەڵاتی سووریا، ژنان ژیانێکی پڕ لە سادەیی دەژین.

 

حەلیمە حاجی محەمەد سەلیم لە گوندی کری دیراوە تا گوندی حەمزە بێگ کە ٣٥ ساڵە لەوێ ژیاوە، چیرۆکی ئەو گۆڕانکاریانە دەگێڕێتەوە کە لە ژیانی گوندەکاندا ڕوویانداوە، لە سادەیی کۆنەوە بۆ ئاسانکارییە مۆدێرنەکان. چیرۆکی ژیانی گوندنشین دەگێڕێتەوە، ژیانێک کە بە سەبر و ماندووبوون و گەشەسەندنی بەردەوام دیارە.

 

لە دڵی گوند دا، کە بۆنی خاک تێکەڵ بە نانە گەرمەکە دەبێت، خاک چیرۆکی داپیران دەگێڕێتەوە، حەلیمەی حاجی محەمەد سەلیم، لە دوای هاوسەرگیرییەکەیەوە کە ٣٥ ساڵ لەمەوبەرە، باس لە وردەکارییەکانی ژیانی ڕۆژانەی خۆی دەکات، کە تا ئێستاش پڕە لە سادەیی. "من زیاتر لە سێ دەیە لەم گوندە دەژیم، هەست دەکەم لە هەموو وردەکارییەکدا سەر بەم شوێنەم، ژیانی گوندەکە تەواو جیاوازە لە شار. لێرە، ئێمە زوو لە خەو هەڵدەستین. ژاوەژاوی ئۆتۆمبێلەکان نییە کە ئێمە لە خەو هەڵدەستێت، بەڵکو دەنگی مانگا و هاواری کەڵەشێرەکان. ئێمە ڕۆژەکەمان بە دروستکردنی نان بە دەستی خۆمان، پەنیر دروست دەکەین و نانی بەیانیمان لە باشترینی ئەو شتانەی کە بە دەستی خۆمان بەرهەمی دەهێنین ئامادە دەکەین."

 

"بەیانیان لە گوند... ڕۆژێک کە لە سروشتەوە دەست پێدەکات"

ڕۆژێک لە گوندەکە پڕە لە کار و وردەکاری، وەک حەلیمەی حاجی محەمەد سەلیم دەڵێت: بەیانی زوو، ئێمە خۆراک بە مریشک و کۆتر و قازەکان دەدەین، هەروەها مەڕەکان دەپارێزین و چاودێری مانگاکان دەکەین، لە تەوێڵەکانیان دەیانهێنینە دەرەوە و ئەو چاودێری و گرنگییەیان پێدەدەین کە پێویستیانە، دوای ئەوە دەگەڕێینەوە بۆ ئامادەکردنی نانی بەیانی، پاککردنەوەی ماڵەکە، ئاودانی ڕووەکەکان، ئەم ڕۆتینە ڕۆژانەیە بارگرانیییە، بەڵکو ژیانێکە کە خۆشمان دەوێت”.

 

گۆڕانکاری بەرجەستە

حەلیمە حاجی محەمەد سەلیم سەختییەکانی ڕابردووی ڕوونکردەوە. ئاماژەی بەوەشکردووە، "ڕۆژەکان سەخت بوون، هاوڵاتیان ئاویان لەسەر شان هەڵدەگرت، مەودای دوور دەڕۆیشتن بۆ هێنانی لە بیر یان کانیاوە، ئەمڕۆ ئاو و بیرێکی نزیکمان هەیە کە کارەکان ئاسانتر دەکات. گواستنەوەش نزیک بوو لە نەبوون. تەنها چەند ئۆتۆمبێلێک هەبوون، ڕەنگە یەک ئۆتۆمبێل لە تەواوی گوندەکەدا نەبووە. ئەمڕۆ نزیکەی هەموو خێزانێک ئۆتۆمبێلێکیان هەیە لەبەردەم ماڵەکەیاندا وەستاوە، بۆ ئەرک، گواستنەوەی منداڵان بۆ خوێندنگە، یان سەردانی پزیشک”.

 

"نەوەی پێشوو... ماندوێتی زیاتر و ژیانێکی سەختتر"

ئاماژەی بەوەشکردووە، نەوەی پێشوو بارگرانییەکی جەستەیی گەورەی لەسەر بووە. دەڵێت: ڕۆژەکانیان لە خاکەکەدا بەسەر دەبرد، بە کەرەستەی سادە چاندن و دروێنەیان دەکرد، ماندووبوونمان هیچ نەبوو بە بەراورد بە ماندوێتی ئەمڕۆمان، لەگەڵ ئەوەشدا سەبر و هێزێکی نائاسایمان هەبوو، سەبارەت بە گوندی ئەمڕۆ، من بە بەراورد لەگەڵ ئەوانی دیکە وەک پێشکەوتوو دەیبینم. ئێمە ماڵی جوان و مۆدێرن و هەندێک بینای پێشکەوتوومان هەیە.

 

"گوندەکە گەشە دەکات بەبێ ئەوەی ڕەگ و ڕیشەی خۆی لەبیر بکات"

یارمەتیدەرە کە گوندەکان بە جیا نەهێڵنەوە لە دەوروبەریان، ئەمە بەشدارە لە باشترکردنی خزمەتگوزارییەکان بۆ دانیشتووانەکانیان. لەلایەن ئەوەوە جەختی کردەوە "لە ڕابردوودا ئەگەر کەسێک نەخۆش بکەوتایە، ئۆتۆمبێل نەبووە بیباتە نەخۆشخانە. نەخۆشەکە دەبوو چاوەڕێ بکات، یان لەسەر شان هەڵبگیرێت. ئەمڕۆ هەموو شتێک خێراتر و ئاسانترە، هەروەها هۆشیاری تەندروستی زیاتر هەیە، ئەمەش وامان لێدەکات هەست بە سەلامەتی بکەین".

 

"جادووی گوندەکان لە وردەکارییە بچووکەکاندا هەیە"

حەلیمەی حاجی محەمەد سەلیم لە کۆتایی قسەکانیداوتی: گوندوکان سۆز و خۆشەویستی خۆیان دەپارێزن، کە لە وردەکارییە بچووکەکاندا جێگیرە،سەرەڕای هەموو ئەو شتانەی لەسەر شار و گەشەسەندنی دەوترێ، کەش و هەوای گوندەکە، بە سروشتەکەی و هەوای پاک و درەخت و سەوزایی و سەوزەوات کە بە دەستمان هەڵیدەگرین، بە جوانترین شێوە دەمێنێتەوە. لێرەدا ئارامی ڕاستەقینە دەبینینەوە و لەگەڵ پەپولەی خاکدا دەژین، بە دڵسۆزی و سادەیی ژیان.