ناوەندی هەواڵ

 

گەیاتری شاکراڤۆرتی سپیڤاک، زانا و لێکۆڵەری هیندستان لە نامەکەیدا بۆ ڕێبەری گەلی کورد عەبدوڵا ئۆجالان باسی لە گرنگی هاودەنگی مرۆڤ و ڕۆڵی ڕەگەز لە بەرەوپێشبردنی ئاشتەوایی کردووە، بەو پێیەی جیهان پێویستی بە پرۆسەی ئاشتی هەیە.

 

پارتی دیموکراتی و یەکسانی گەلان "دەم پارتی" ئەو نامەیەی کە گەیاتری شاکراڤۆرتی سپیڤاک، زانا و ڕەخنەگری وێژەیی و ژنی هیندستان بۆ ڕێبەری گەلی کورد عەبدوڵا ئۆجالان ناردووە بڵاوکردەوەو تێیدا هاتووە: پێم خۆشە پشتگیری ڕەهای خۆم بۆ پرۆسەی ئاشتی دەرببڕم، بێگومان پاراستنی ئەم پرۆسەیە ئاسان نابێت، چونکە مێژوویەکی دوور و درێژی ململانێ، ئاگربەست هەیە، زۆر جار پێشێل کراوە بەڵام هێشتا نیشانەکانی پێشکەوتنی هیوابەخش هەیە. 

 

وتووشیەتی: من داکۆکیکاری ئاشتیم، ئەگەر تەنانەت بچووکترین ئەگەری کۆتاییهێنان بە شەڕەکە هەبێت، هەست بە پابەندبوون دەکەم بۆ  بەشداری کردنم لەم پرۆسەیەدا. من لە هەر بارودۆخێکدا بەشداری دەکەم کە ئاشتەوایی نێوان لایەنە دژبەرەکان گونجاو بێت، چونکە ئەم دژایەتیانە لە سروشتدا ستراکتورین، لە کاتێکدا هاودەنگی مرۆڤ دەقییە.

 

شەڕەکان سەرچاوەی پێکهاتەیییان هەیە، ئەو کەسانەی دەکوژرێن هیچ ڕووخسارێکیان نییە، لە بەرامبەردا ئاگربەست دەقێکە، چونکە هەموو ئاماژەیەک دەبێت پارێزراو بێت. دووپاتی دەکەمەوە کە من بە تەواوی پشتگیری لەم پرۆسەیە دەکەم. هەروەها حەز دەکەم زیاتر دەربارەی هاودەنگی لەسەر بنەمای ڕەگەز لە پرۆسەکانی ئاشتیدا بزانم، لە کۆتاییدا لە دڵەوە هیوادارم ئەم پرۆسەیە بەردەوام بێت، چونکە جیهان پێویستی پێیەتی.