ناوەندی هەواڵ

 

ڕۆژی دووشەممە ٣٠ی ئاب، ئەنجومەنی ئاسایشی نەتەوە یەکگرتووەکان لە بڕیارێکیدا داوای لە تاڵیبان کرد ئاگاداری سەلامەتی ئەو هاوڵاتیانە بن کە دەیانەوێت ئەفغانستان جێبهێڵن و پابەندی بڕیارەکان بن.

 

لە بڕیارەکەدا ئاماژە بە بەیاننامەکەی ٢٧ی ئابی تاڵیبان کراوە، کە هاوڵاتیانی ئەفغانی لە هەر کاتێک و لە هەر سنورێکەوە بێت دەتوانن ئەفغانستان جێبهێڵن، هەروەها جەخت لەسەر پاراستنی مافی مرۆڤ و بەتایبەت ژنان و منداڵان کراوەتەوە.

 

لە ١٥ ئەندامی ئەنجومەنی ئاسایشدا ١٣ ئەندام دەنگیان بە بەڵێ داوە بۆ ئەو بڕیارە و ئەو دەقەی لەلایەن ئەمریکا و فەرەنسا و نەتەوەیەکگرتووەکانەوە دەرکراوە، بەڵام هەریەک لە ڕووسیا و چین خۆیان لە دەنگدانەکە دەرکردووە.

 

ت.پ