ناوەندی هەواڵ

 

بەرەبەیانی ئەمڕۆ ٣ی تشرینی دووەم، هودا کایا، پەرلەمانتاری پێشووی هەدەپە، دوای ئەوەی سزاکەی پشتڕاستکرایەوە، چووە ناو زیندانی ژنانی ئەلماداغەوە.

 

لە ڕووداوێکەوە سەرچاوەی گرتووە لە ساڵی ٢٠٢٢ کە، هودا کایا، ئەندامی ڕەسمی پەرلەمان سەردانی جیهاد ئیبراری، کوڕە زیندانیکراوەکەی لە زیندانی چاناکاڵە کردووە، دواتر تۆمەتبار کرا بەوەی مۆبایلێکی لەناو جانتاکەیدا بووە لەکاتی دەرچوونی لە زیندانەکە.

 

لە لێدوانێکدا، بۆ کەناڵی ژن تیڤی پێش ئەوەی بچێتە زیندانەوە، ڕوونیکردەوە کە سزای ساڵ و نیوەکە لەسەر بنەمای "تۆمەتی بانگەواز و ناڕاستەقینە" بووە، وەک چۆن باسی کردوون.

 

ئاماژەی بەوەشکرد، دەسەڵاتداران ڕەتیانکردەوە جێبەجێکردنی سزاکە دوابخەن، بە ئاماژەدان بە بڕیار و پێشینەی پێشوو کە مێژووەکەی دەگەڕێتەوە بۆ نزیکەی ٣٠ ساڵ بۆ هەوڵی کودەتاکەی ٢٨ی شوبات، سەرەڕای ئەوەی ئەم ماوەیە لە تورکیادا کەوتۆتە ژێر لێپرسینەوە و زۆرێک لە ڕاستییەکانی دەوروبەری ئاشکرا بوون.

 

سەرسوڕمانی خۆی لە بەردەوامی بەکارهێنانی ئەو ماوەیە وەک بیانوویەکی یاسایی لە ژێر دەسەڵاتی پارتی داد و گەشەپێدان "ئاکەپە"دەربڕی و بە بابەتێکی دەزانێت کە پرسیار دەوروژێنێت.

 

هاوکات سوپاس و پێزانینی قووڵی خۆی ئاراستەی هەموو ئەو کەسانە کرد کە پشتگیریان کرد و لە تەنیشتی وەستابوون، لەوانەش گەل و هاوڕێیان و خێزان و سیاسەتمەداران و پارێزەران، وتی: سوپاسی هەموو ئەو کەسانە دەکەم کە پشتگیریان کردین و لەگەڵمان وەستان، داوای نزاکانتان دەکەم و هیوادارم ئازادبوونم لە زیندان ببێتە خۆشییەکی هاوبەش، نەک تەنها بۆ من، بەڵکو بۆ هەموو ئەو کەسانەی کە ئازادییان بە ناڕەوا لێ وەرگیراوە، لەوانەش سەرکردەکانی پێشوومان، سیاسەتمەداران، ڕۆژنامەنووسان، و هاوڕێیان.