سەرکردایەتی کاتی هەتەشە بەرپرسیارە لە کۆمەڵکوژییەکەی دیمەشق"
ئەندامان و کارگێڕانی ئەنجومەنی ئیسلامی دیموکراتیک کۆمەڵکوژییەکەی کەنیسەی مار ئەلیاسیان لە دیمەشق شەرمەزار کرد و جەختیان لەوە کردەوە کە پەیامی ئایینەکان خۆشەویستی و دادپەروەری و ئاشتییە، کۆمەڵکوژییەکە تاوانێکی دژ بە مرۆڤایەتییە.
ڕۆنیدا هاجی
حەسەکە- ڕۆژی ٢٢ی حوزەیران لە گەڕەکی دیوعلەی دیمەشق هێرشێکی خۆکوژی لە دژی کەنیسەی مار ئەلیاس ئەنجامدرا و لە ئەنجامدا ٢٥ کەس گیانیان لەدەستدا و ٦٣ کەسی دیکەش برینداربوون. هێرشەکە لەلایەن بەناو “بارەگای ئەنسار ئەلسەننا”ەوە بانگەشەی بۆ کراوە. ئەمەش نیگەرانییەکانی پێکهاتەکانی سووریای زیاتر کردووە. ئەندامان و کارگێڕانی ئەنجومەنی ئیسلامی دیموکراتیک کۆمەڵکوژییەکەی کەنیسەی مار ئەلیاسیان شەرمەزار کرد و ڕایانگەیاند کە ئیدارەی کاتی جیهادی هەتەشە بەرپرسیارە لەم کۆمەڵکوژییە و داوای هاودەنگی لەگەڵ گەلی سووریا دەکەن.
"ئیسلام داوای خۆشەویستی و ئاشتی و یەکگرتوویی دەکات"
خلود خدر، ئەندامی نوسینگەی ژنان لە کۆمەڵەی ئەلبەیت لە کۆنگرەی ئیسلامی دیموکراتیکی باکوور و ڕۆژهەڵاتی سوریا، ڕایگەیاند کە هێرش بۆ سەر کەنیسەی مار ئەلیاس هێرشێکە بۆ هەڵگیرسانی ململانێ تائیفیەکان و وتی: ئێمە کۆمەڵکوژی گەلی مەسیحی ئیدانە دەکەین و بە توندی ئیدانەی ئەو کەسانە دەکەین کە بەناوی ئیسلامەوە هێرش و کۆمەڵکوژی ئەنجام دەدەن، لە ئیسلامدا داوای خۆشەویستی و یەکسانی و دادپەروەری و ڕەوشت دەکات، و خوێنڕشتن و کوشتنی مرۆڤەکان بە تاوانێکی گەورە دەزانێت ئێمە بە پرۆسەیەکدا تێدەپەڕین کە ئیسلام بەستراوەتەوە بە سیاسەتەوە بۆ ئەوەی بتوانێت بەرژەوەندییەکانی خۆی بگات، بەم شێوەیە ئیسلام ڕەش دەبێتەوە و دەبێتە هەڕەشە بۆ سەر ئایین و مەزهەبەکانی تر کاتێک پێغەمبەر محەمەد کۆچبەری کرد بۆ حەبەشە، ئەو کەسەی کە پێشوازی لێکردبوو فریشتە نەگوس بوو گەلان و یەکتر قبوڵکردن لەو سەردەمەدا هەبووە، پێویستە هەمووان بەم شێوەیە لە یەکتر نزیک ببنەوە، ئاین و بیروباوەڕەکان قبوڵکراون.
"ئەوانەی ئیسلام بە سیاسەتەوە دەبەستنەوە و ڕەشی دەکەنەوە دەبێت سزا بدرێن"
خلود خدر ئاماژەی بەوەشکرد کە سیاسەتێکی پیس لە دژی ئایین و بیروباوەڕەکان پەیڕەو دەکرێت و وتی: لە ئیسلامدا ڕەوشت گرنگە، مرۆڤ بە ڕەوشتی خۆی گەشە دەکات، لە سووریادا چەندین پێکهاتەو ئایین و بیروباوەڕ هەیە و سیاسەتێکی پیس لە دژی ئەوان پەیڕەو دەکرێت، ئەوان دەیانەوێت هێڵی سوور لە نێوان هەر گروپ و ئایین و باوەڕێکدا بکێشن و دووبەرەکی لە کۆمەڵگە دروست بکەن، ئێمە وەک گەلی سووریا، خاوەن زانین و باوەڕین، لە بەرامبەر ئەو سیاسەتانەدا وریاین و داوا لە حکومەتی کاتی دەکەین لە هێرشەکەدا جیاوازی نەکات و ئەو کەسانە بگرن و سزا بدرێن کە ئەو کردەوە و تاوانانە ئەنجام دەدەن. پێویستە سزای ئەو کەسانە بدرێت کە ئیسلام بۆ بەرژەوەندی خۆیان بەکاردەهێنن و ڕەشیان دەکەنەوە.
"داعش لە سووریا زیندوو دەبێتەوە"
عەزیزە حسۆ، ئەندامی ئەنجومەنی ژنانی کۆنگرەی ئیسلامی دیموکراتیک جەختی لەوەکردەوە کە لاوازبوونی ئاسایش لە دیمەشق ڕێگە خۆش دەکات بۆ بوژانەوەی چەتەکانی داعش، و ئەوەش بەرپرسیارێتییەکی نیشتمانییە، وتی: لە ساڵی ٢٠١٥ چەتەکانی داعش هێرشیان کردە سەر گوندەکانی ئاشووری لە تل تەمر، سەرەتا کڵێساکان سووتێندران، خەڵکێکی زۆر ڕفێندران و کوژران. ئەمەش بووە هۆی کۆچی دوایی خەڵکی مەسیحی لە ناوچەکە. لە سووریای نوێدا هیوامان خواست هەمووان بگەڕێنەوە سەر ماڵ و حاڵی خۆیان و بە پارێزراوی بژین، بەڵام بەداخەوە ئەو ڕووداوانەی لە سووریا ڕوودەدەن مەترسی بۆ سەر باوەڕەکان و گەلان دروستدەکەن. ئەو ڕووداوەی لە کەنیسەی مار ئەلیاس ڕوویدا درێژەپێدەری ئەو کردەوانە و بوژانەوەی بیرۆکەکانی داعشە.
"سیستمی خۆبەڕیوەبەری ئایین و بیروباوەڕو پێکهاتەکان لە ڕەشبوونەوە دەپارێزێت"
عەزیزە جەختی لەوە کردەوە کە سیستمی خۆبەڕێوەبەری جەوهەری ئایین و بیروباوەڕەکان دەپارێزێت و وتی: کۆنگرەی ئیسلامی دیموکراتیک هەموو ئایین و بیروباوەڕ و پێکهاتەکان لەخۆدەگرێت، گوڵێکی ڕەنگاوڕەنگە، و کار و چالاکییەکانی لەسەر بنەمای خۆشەویستی و ڕەوشت و ئاشتی بەڕێوەدەبات، ئەمەش لە سایەی بیری ڕێبەر ئاپۆ بەدیهات، ئەو سیستمەی ڕێبەر پێی بەخشیوین بەنرخە چونکە بۆ یەکەمجار لە مێژووی مرۆڤایەتیدا داوای تەبایی و دادپەروەری و یەکسانی دەکات و دژایەتی ڕەشکردنی ئایین و بەستنەوەی بە سیاسەتەوە دەکات، ئێمە ڕووداوەکەی کڵێسای مار ئەلیاس ئیدانە دەکەین و داوا لە حکومەت دەکەین لە دیمەشق سیستەمی ئیدارەی خۆسەر دابمەزرێنێت چونکە ئەم سیستەمە مافی گەلان دەپارێزێت، سووریا خاوەنی فرەچەشنی ئایین و پێکهاتەکانە و ئەوەی ئەم فرەچەشنییە دەپارێزێت سیستمی خۆبەڕێوەبەرییە.