شاندی نێودەوڵەتیی ئاشتی سەردانی ئۆفیسی سلێمانی تەلەفزیۆنی ژن تیڤیان کرد
شاندی ئاشتی و ئازادی سەردانی تەلەفزیۆنی ژن تیڤی کرد و لەبارەی گرنگی ڕاگەیاندنی ژن و دەرخستنی خەبات و تێکۆشانی ژنان گفتوگۆیان کرد.
شاندی ئاشتی و ئازادی سەردانی ئۆفیسی سلێمانی تەلەفزیۆنی ژن تیڤی-یان کرد و لەبارەی گرنگی ڕاگەیاندنی ژن و دەرخستنی خەبات و تێکۆشانی ژنان گفتوگۆیان کرد.
سلێمانی
بەشێک لە ئەندامانی شاندی نێونەتەوەیی ئاشتی و ئازادی بۆ کوردستان ئەمڕۆ سەردانی ئۆفیسی سلێمانی تەلەفزیۆنی ژن تیڤییان کرد و لەبارەی کار و چالاکییەکانی ژن تیڤی و گرنگی دەرخستنی تێکۆشان، خەبات و رەنجی ژنان گفتوگۆیان کرد.
لە کۆبوونەوەکەدا باس لە تێکۆشانی ژنان کرا، کە چەندین ساڵە بۆ بەدەستهێنانی مافەکانیان لە هەوڵدا بوون و بناغەی ئاشتی و ئازادی و پێکەوە ژیان، ئازادی ژنە و بەو شێوەیە کۆمەڵگەش دەگاتە ئازادی، هەروەها هێنرایە زمان کە ژن تیڤی بێ جیاوازی ڕەنگەکان بە دەنگ و ڕەنگی ژنان بووەتە ماڵی ژنان.
شاندی ئاشتی و ئازادی زیاتر لە هەفتەیەکە لە باشوری کوردستاندا لە پێناو بەدیهێنانی ئاشتی و ئازادی لەگەڵ ڕێکخراو و لایەنە سیاسییەکان کۆبوونەوە و ئامانجیان ڕێگری کردنە لە داگیرکارییەکانی دەوڵەتی تورکیا و پێکهێنانی بەرەیەکە دژ بە داگیرکاری.
ت.پ