ناوەندی هەواڵ

 

جیهادییەکانی هەتەشە کەرەستەی پزیشکی و لۆجستیکی ناوەندی مانگی سووری کوردیان لە شارۆچکەی ئەریشە لە باشووری گوندەکانی حەسەکە دزی و تاڵانیان کردو ناوەندەکەیان سووتاند.

 

سەرچاوە ناوخۆییەکان ڕایانگەیاندووە، ئەو چەتانە بە شێوەیەکی دڕندانە هێرشیان کردووەتە سەر ئەو ناوەندەی کە خزمەت بە خەڵک دەکات، لە ئەنجامدا ناوەندەکە بە تەواوی لە خزمەتگوزاری دەرچوو و دانیشتووان لە خزمەتگوزارییە سەرەتاییە مرۆییەکان بێبەش بوون.

 

ئەم هێرشانە لە چوارچێوەی پێشێلکارییە بەردەوامەکانی دژ بە دامەزراوە مرۆیی و خزمەتگوزارییەکان لە ناوچەکانی باکوور و ڕۆژهەڵاتی سووریا دێت کە گورزێکە لە سەقامگیری و هەوڵەکانی فریاگوزاری.

 

لە گرتە ڤیدیۆییەکاندا دەنگی دانیشتووانی ناوچەکە دەردەکەون کە ناڕەزایی خۆیان لە کارەکانی چەتەکان دەربڕیوە و دەڵێن ئەو کارانە دوورن لە بەها مرۆیی و رەوشتییەکان و تاکە ئامانجی چەتەکان دزین و تاڵانکردنی موڵک و ماڵی گشتییە.