ناوەندی هەواڵ

 

ئێوارەی ئەمڕۆ لە سەنتەری هاوبەشی ناوەندی ڕەهەند و کتێبخانەی ڕۆمان لە شاری سلێمانی، گۆڤاری تروسکە خەڵاتی یەکەمین پێشبڕکێی هزری ژنانی دابەشکرد، کە لە سەرەتای ئەمساڵەوە دەستی بە کۆکردنەوەی وتار کردووە، لەو ماوەیەدا ٥٠ وتار کۆکرایەوە و لە لایەن لیژنەی هەڵسەنگاندنەوە باشترین ١٠ وتار هەڵبژێردرا.

 

لە مەراسیمەکەدا ئەندامی دەستەی نوسەرانی گۆڤاری تروسکە سنور کەریم، داوای کرد هەمووان هەماهەنگ بن و سەرجەکانیان دەرببڕن، بۆ ئەوەی ئەمە ببێتە سەرەتایەک بۆ پێشخستنی تواناکانی ژنان و لەم جۆرە چالاکییانە نەوەستین.

خەڵاتی یەکەمی پێشپبڕکێکە بەخشرایە نوسەر و چالاکوان سارا مەجید لە شارۆچکەی کەلاری ناوەندی ئیدارەی گەرمیان و وتارەکەی وەک بەهێزترین وتاری پێشبڕکێکە هەڵبژێردرا.

 

براوەی خەڵاتەکانی باشترین ١٠ وتار:

خەڵاتی یەکەم: سارا مەجید

خەڵاتی دووەم: مژدە عەلی

خەڵاتی سێیەم: ساکار عەبدوڵا

خەڵاتی چوارەم: خێڵان محەمەد

خەڵاتی پێنجەم: شاناز ئیسماعیل

 

خەڵاتی شەشەم: ئاڤان جەلال

خەلاتی حەوتەم: ئەڤین ڕواندوز

خەڵاتی هەشتەم: شیاو محەمەد

خەڵاتی نۆیەم: سیڤان بەهادین

خەڵاتی دەیەم: سازان فەرهاد

 

لە کۆتایی ڕێوڕەسمەكەشدا، سارا مەجید، نووسەری بەهێزترین وتاری پێشبڕکێکە، وتارەکەی خوێندەوە کە بەناونیشانی “ژنانی ئازادیخواز دەبنە هەواڵنێر” لەبارەی جیاوازییکردنی ڕەگەزیی و بە سەنتەرکردنی پیاو و تێکۆشانی ژنانی ئازادیخواز لەبەردەمیدا نووسیبووی.

 

ت.پ