مەنبەج

 

 ئەمڕۆ ٩ی تشرینی یەکەم، ٢٣یەمین ساڵیادی دەستپێکردنی ئەو پیلانگێڕیانەیە کەلە دژی ڕێبەری گەلی کورد عەبدوڵا ئۆجەلان دەستی پێکرد و بەو پیلانگێڕیانە هەوڵی دورخستنەوەیان لە سوریا دا و لە ١٥ی شوباتی ساڵی ١٩٩٩ لە فڕۆکەخانەی نایرۆبی وڵاتی کینیا دەستگیریانکرد.

بەوبۆنەیەوە تەڤگەری گەنجانی شۆڕشگێڕ و یەکێتی ژنانی گەنجی تێکۆشەر، ڕاگەیەندراوێکیان بڵاوکردەوە، تیایدا جەختیان لەسەر بەردەوامی لە وەستاندنەوە بە ڕووی دوژمنان کردەوە.

لە ڕاگەیەنراوەکەدا هاتووە، " ٢٣ ساڵ بەر لە ئێستا وڵاتانی سەرمایەدار بە پێشەنگایەتی تورکیا و ئەمریکا دەستیان کرد بە پیلانگێڕی لە دژی ڕێبەری گەلی کورد عەبدوڵا ئۆجەلان، ڕێبەر بە بیرۆکەی خۆی توانی هەموو ڕاستییەکان بە گەلانی جیهان بگەیەنێت و جەختی لەسەرنەکەوتنی پیلانگێڕیەکان دەکردەوە کە هیچ کات ناگەنە هیچ ئەنجامێک".

جیا لەمانە ئەوە ئاشکرا کرا ڕێبەری گەلی کورد عەبدوڵا ئۆجەلان سەرەڕای بوونی ئەو هەموو ناڕەحەتیەی لە زیندانا ڕووبەڕووی بووەتەوە و لە گۆشەگیری توندایە توانیویەتی بیرۆکەی خۆی بگەیەنێت.

لە کۆتایی ڕاگەیەنراوەکەدا ئاماژە بەوەکراوە، کە وەک تەڤگەری گەنجانی شۆڕشگێڕ و یەکێتی ژنانی گەنجی مەنبەج، بەڵێن دەدەن بە ڕێبەر عەبدوڵا ئۆجەلان و هەموو گەلی کورد و گەلانی جیهان تا ئەوساتەی ڕێبەری گەلی کورد لە زیندانی دەوڵەتی فاشیزمی تورکیا ئازاد نەکرێت، ناوەستن لە دەربڕینی ناڕەزایی و ئارام نابنەوە.