ناوەندی هەواڵ

 

شەوی ڕابردوو ژنێکی گەنج، کە خوێندکارە و لە پۆلی ١٠ی ئامادەیی بوو، لە گەڕەکی گژەبەرانی شاری دهۆک بە خنکاندنی گوماناوی کۆتایی بە ژیانی هات و تائێستاش هۆکارەکەی ئاشکرا نەکراوە.

 

جێی ئاماژەیە، مردنی گوماناوی ژنان، بە ناوی خۆکوشتن، خۆخنکاندن و خۆسوتاندن بڵاودەکرێتەوە، تا تاوانبار و ئەو کەسانەی تاوانەکە ئەنجام دەدەن لە سزای یاسایی و کۆمەڵایەتی ڕزگاریان ببێت.

 

لەلایەکی دیکەوە، هاتوچۆى گەرمیان بڵاویکردەوە، ئەمڕۆ لە گەڕەکى سیروانى شارۆچکەی کەلار، بە ڕووداوێکى هاتوچۆدا ئۆتۆمبێلێکى جۆرى میتسۆبۆشی بارهەڵگر، لە ژنێک دەدات و برینداری دەکات، دوای گواستنەوەی بۆ نەخۆشخانەی فریاکەوتنی شەهید هەژار، بەهۆی سەختی برینەکەیەوە گیانی لەدەستدا.