دوای ئازادکردنی چالاکوانێکی مەدەنی لە بەردەم زیندانی ئێڤین پانکارتی "نا بۆ لەسێدارەدان"ی بەدەستەوەیە
دەسەڵاتدارانی ئێران مریەم سادات یەحیاوی، چالاکوانی مەدەنی دوای ساڵێک لە دەستبەسەرکردنیان ئازاد کرد، دوای ئازادکردنی، پانکارتێکی لەبەردەم زیندانی ئێڤین بۆ پشتیوانی لە چالاکوانان وریشە مورادی و پەخشان عەزیزی بەرز کردۆتەوە.
ناوەندی هەواڵ
مریەم یەحیاویی چەندین جار دەستبەسەر و زیندانی کراوە و بەهۆی چالاکییەکەیەوە ڕووبەڕووی ئاڵەنگاری یاسایی بووەتەوە، هەروەها تۆمەتی ئارەزوومەندانە لەوان “کۆبوونەوە، دەستکەوت و پڕوپاگەندە" دژی ڕژێم خراوەتە پاڵ.
دوێنێ ٩ی شوبات، دەسەڵاتدارانی ئێران، چالاکوانی مەدەنی مریەم سادات یەحیاویان دوای ماوەی ساڵێک لە زیندانی ژنانی ئێڤین ئازاد کرد، مریەم یەحیاوی لە بەردەم دەروازەی بەندیخانە پانکارتێکی بە دروشمی “نا بۆ سزای لەسێدارەدان” بەرزکردەوە داوای ڕاگرتنی سزای لەسێدارەدانی کرد، بۆ پشتگیریکردن لەو کەسانەی کە سزای لەسێدارەدانیان بەسەردا سەپێندراوە.
هێزە ئەمنییەکان لە مانگی تشرینی دووەمی ٢٠١٤دا مریەم یەحیاوییان لە ماڵەکەی خۆیەوە دەستگیرکرد و گواستیانەوە بۆ زیندانی ئێڤین و دوای ١٧ ڕۆژ دەستبەسەرکردنی بە دانانی بارمتە ئازادیان کرد.
لە مانگی تەمموزی ساڵی ٢٠١٥دا، لقی ١٥ی دادگای شۆڕشی تاران بە تۆمەتی "کۆبوونەوە، دەستکەوت و پڕوپاگەندە" لە دژی ڕژێم، سزای ٩ ساڵ زیندانی بەسەردا سەپاند، کە دواتر سزاکە بۆ ساڵێک کەمکرایەوە، لە ٤ی ئاداری ساڵی ڕابردوودا، بۆ تێپەڕاندنی سزای یەک ساڵ زیندانییەکەی بەهۆی تەحەدای یاساییەوە بۆ زیندانی ئێڤین گواسترایەوە.