ناوەندی هەواڵ

 

بەرپرسانی یۆنان ڕایانگەیاند، تیمی کەناراوەکان تەرمی ژنێکی کۆچبەریان لە نزیک کەناراوەکانی دوورگەی " کیسیرا" دۆزیوەتەوە و پێدەچێت یەکێک بێت لەو کۆچبەرانەی شەوی چوارشەممەی ڕابردوو بەلەمەکەیان بە ٩٥ کۆچبەرەوە لە نزیک ئەو دوورگەیە ژێرئاوکەوت، کە لەو ڕووداوەدا ٨٠ کۆچبەر ڕزگارکران و قاچاخچییەکیش دەستگیرکرا.

 

لەلایەکی ترەوە ٣٨ کۆچبەر لە کەناراوەکانی ئیزمیر ڕزگارکراون کە لە بەلەمێکی لاستیکدا بوون و لەلایەن یۆنانەوە ناچارکرابوون ڕووبکەنە ئاوە ھەرێمییەکانی تورکیا.

 

ئەوە لە کاتێکدایە کە ڕۆژی ٦ی تشرینی یەکەم تەرمی ١٥ ژن لەکاتی ڕووداوەکە دۆزرانەوە و لە هەردوو بەلەمە نقوم بووەکەش ٨٠ سەرنشین بێسەروشوێن بوون.