لە کوردۆفانی باکوور ٢٣ هاوڵاتی بە گولە کوژراون
چاودێری مافەکانی مرۆڤی ئەلجەزیرە ڕایگەیاند کە لە ناوچەی «ئوم بدیر» لە کوردۆفانی باکوور، ٢٣ هاوڵاتی بە شێوەیەکی بێ‌دادگایی کوژراون و ئەمە پێشێلکارییەکی گەورەی یاسای نێودەوڵەتییە.
ناوەندی هەواڵ
دوای زنجیرەیەک لە پێشێلکارییە گەورەکان و کوشتنە بەکۆمەڵە بێ‌دادگاییەکان کە هاوڵاتیانی بێ‌چەک لە ناوچە جیاوازەکانی سودان دەکەنە ئامانج، تۆمەتەکان دژی هێزەکانی پشتگیریی خێرا زیاد دەبن. ئەم کردارە پێشێلکاریی یاسای مرۆیی نێودەوڵەتین و وەک تاوانی جەنگ و تاوان دژی مرۆڤایەتی هەژمار دەکرێن.
چاودێری مافەکانی مرۆڤی جەزیرە لە دوا ڕاگەیاندنێکدا ڕوونی کردەوە کە لە ناوچەی «ئوم بدیر» لە پارێزگای کوردۆفانی باکوور، لە ناوەڕاستی سودان، هاوڵاتیان ڕووبەڕووی کوشتنی بەکۆمەڵ و بێ‌دادگایی بوونەتەوە.
کوشتنە بێ دادگاییەکان تاوانی جەنگن
لە ڕاگەیاندنەکەدا ئاماژە بەوە کراوە کە بەڵگە بەدەستهاتووەکان هێزەکانی پشتگیریی خێرا وەک لایەنی بەرپرسیار لە ئەنجامدانی ئەم ئۆپەراسیۆنە دەستنیشان دەکەن. لە ئەنجامی ئەم ئۆپەراسیۆنەدا ٢٣ هاوڵاتی بە تەقە کوژراون و لە مافی دادگاییەکی سەربەخۆ و بێ‌لایەن یان دادگاییەکی دادپەروەرانە بێ‌بەش کراون.
چاودێرییەکە ئاماژەی بەوە کرد کە کوشتنی بێ‌دادگایی، بە تایبەتی کوشتنی ئەو کەسانەی گیراون یان لە ژێر کۆنترۆڵی یەکێک لە لایەنەکانی جەنگدان دان، پێشێلکارییەکی گەورەی یاسای مرۆیی نێودەوڵەتە. چاودێرییەکە ڕوونی کردەوە کە کوشتنی هاوڵاتیان یان ئەو کەسانەی بەشداریی جەنگ ناکەن، هەروەها سێدارەدان بەبێ دادگاییەکی دادپەروەرانە، بەپێی یاسای نێودەوڵەتی تاوانی جەنگن.
بانگەواز بۆ لێکۆڵینەوە
چاودێرییەکە داوای وەستاندنی دەستبەجێی هەموو سێدارەدانە بێ‌دادگاییەکان و خێراکردنی پرۆسەکەی کرد. هەروەها داوای دەستپێکردنی لێکۆڵینەوەیەکی خێرا، سەربەخۆ، بێ‌لایەن و ڕوون بۆ ئەم ڕووداوانەی کرد، بۆ ئەوەی کەسانی بەرپرسیار، لەگەڵ ئەوانەی فەرمانیان داوە یان لە جێبەجێکردنیاندا یارمەتییان داوە، دەستنیشان بکرێن.
ڕێکخراوەکە هەروەها بانگەوازی پاراستنی هاوڵاتیان، دەستبەسەرکراوان و هەموو ئەو کەسانەی بەشداریی جەنگ ناکەن کرد و داوای ڕێزگرتن لە مافی دادگاییەکی دادپەروەرانە ومسۆگەرییەکانی دادوەری کرد. هەروەها جەختی کردەوە کە سێدارەدانی خێرا یان ڕێکارە سزاییە بێ‌دادگاییەکان نابێت جێگەی پرۆسەی دادوەری بگرن.