ناوەندی هەواڵ

 

لیژنەی ژنانی یەکگرتوویی نەتەوەیی کورد لە ڕۆژئاوا جەختی لەسەر پێویستی پاراستنی ناسنامەی کورد و پاراستنی ئەو دەستکەوتە نەتەوەییانەی کە لە ساڵانی ڕابردوودا بەدەست هاتوون، هەروەها ئەم ئەزموونە ساتێکی سەرەکی لە مێژووی هاوچەرخی گەلی کورد پێکهێنا.

 

لیژنەی ژنانی یەکگرتوویی نەتەوەیی کورد لە ڕۆژئاوا ١٤ی شوبات ڕاگەیا دراوێکی بڵاوکردەوە و تیایدا جەختی لە گرنگی پاراستنی شوناسی کورد و پاراستنی ئەو دەستکەوتە نەتەوەییانەی کرد. کە لە ساڵانی ڕابردوودا بەدەستهاتوون، هەروەها ئەزموونی ڕۆژئاوا ساتێکی سەرەکی لە مێژووی هاوچەرخی گەلی کورددا پێکهێنا و ڕۆحی نەتەوەیی لە کوردستان و لە نێو کوردانی ڕەوەنددا زیندوو کردەوە.

 

تیشک خرایە سەر ڕۆڵی پێشەنگانەی ژنانی کورد لە بوارەکانی بەرخۆدان و خەبات، ئاماژە بەوە کرا، کە یەکینەکانی پاراستنی ژنان "یەپەژە" هێڵی یەکەمی بەرگری بوون لە دژی تیرۆر و توندڕەوی، ژنانی کورد ڕۆڵی پێشەنگانەی خۆیان لە بەرگریکردن لە کۆمەڵگە و پاراستنی خاک و ناسنامە و پاراستنی بەهاکانی ئازادی و شکۆمەندی و یەکسانی لە بوارەکانی بەرخۆدان و خەباتدا نیشانداوە، ئەم ئیرادەیە لە یەکینەکانی پاراستنی ژنان ”یەپەژە” بەرجەستە بوو، کە هێڵی یەکەمی بەرگری بوون لە دژی تیرۆر و توندڕەوی، بەشدارییان کرد لە پاراستنی کۆمەڵگەی کورد و جیهان لە مەترسییەکانی داعش، ئەم ئەزموونە پێگەی ژنانی وەک هاوبەشێکی بنەڕەتی لە بەرگریکردن لە خاک و ناسنامە دامەزراندووە.

 

لیژنەکە لە ڕاگەیاندراوەکەیدا پێزانینی خۆی ئاراستەی ئەو گەنج و ژنانە کرد کە لە پێشەنگی پاراستندا بوون، بۆ گەلی کورد لە کوردستان، هەروەها بۆ پێکهاتە کوردییەکان لە ئەوروپا و ڕەوەندیش بۆ ڕۆڵی کارایان لە پاراستنی دۆزی کورد و گەیاندنی دەنگی خۆی بە جیهان.

 

ئاماژە بەوە کراوە، کە دەستکەوتە سیاسی و فەرهەنگی و پەروەردەییەکان لە ڕۆژئاوا بەرهەمی ١٤ ساڵ خەبات و قوربانیدان و ڕووبەڕووبوونەوەی تیرۆرە بەناوی جیهان و بەتایبەتی داعشەوە، ئەم دەستکەوتانە لەوان بەهێزکردنی ژنان و بەهێزکردنی دامەزراوە مەدەنییەکان، دەستکەوتێکی مێژوویی پێکدەهێنن کە ناتوانرێت بەفیڕۆ بدرێت.

 

لیژنەکە هۆشداری دا لەو ئاڵەنگاریانەی کە مەترسی لەسەر بوون و ناسنامەی گەلی کورد دروست دەکەن، لە پێش هەموویان ئەو ڕێوشوێنانەی کە مافە بنەڕەتییەکانیان کەمکردووەتەوە و کاریگەرییان لەسەر دەستکەوتە نەتەوەییەکانیان هەبووە، ئەم ئاڵەنگاریانە جەخت لەسەر پێویستی بەپەلە دەکەنەوە بۆ یەکخستنی ڕیزەکانی کورد و داڕشتنی ستراتیژییەکی نیشتمانی هاوبەش لەسەر بنەمای بەرژەوەندی باڵای نیشتمانی، دەستەبەرکردنی پاراستنی مافەکان و بەهێزکردنی توانای گەلەکەمان بۆ ڕووبەڕووبوونەوەی ئاستەنگە سیاسی و ئەمنییەکانی ئێستا و داهاتوو.

 

لە ڕاگەیاندراوەکەدا، داوای کۆنگرەیەکی تۆکمەی نەتەوەیی کوردی کرد کە نوێنەرانی چوار پارچە لەخۆ بگرێت، بە ئامانجی یەکخستنی دیدگای سیاسی و هەماهەنگی هەڵوێستەکان بە شێوەیەک کە خزمەت بە بەرژەوەندی باڵای گەلی کوردستان بکات و ئامادەیی ئەوان وەک هاوبەشێکی سەرەکی لە هەر یەکلاکردنەوەی سیاسی داهاتوودا بەهێز بکات.

 

لیژنەکە داوای لە حکومەتی کاتی سووریا کردووە بەشێوەیەکی دەستووری دان بە گەلی کورددا بنێت وەک گەلێکی ڕەسەن کە لەسەر زەوییە مێژووییەکەی دەژی و مافە سیاسی و کولتووری و نەتەوەییەکانیان مسۆگەر بکات و پشتیوانی لە چارەسەرێکی دادپەروەرانە و دیموکراتیانە بکات کە هاوتەریب بێت لەگەڵ بنەما نێودەوڵەتییەکان و یەکسانی بۆ هەموو پێکهاتەکانی کۆمەڵگە مسۆگەر بکات.

 

هەروەها قسەی بۆ کۆمەڵگەی نێودەوڵەتی کرد و جەختی لەوە کردەوە، کە هەر پشتگوێخستنێک یان داننان بە مافەکانی گەلی کوردستان، ئیرادەیان بۆ داکۆکیکردن لە مافە ڕەواکانی خۆی بە شێوەی ئاشتیانە و دیموکراتیانە ڕاناگرێت، داننان بەو مافانە مسۆگەرییەک بۆ سەقامگیری و ئاشتییەکی بەردەوام لە ناوچەکەدا پێکدەهێنێت.

 

لە کۆتایی ڕاگەیاندراوەکەدا بە دووپاتکردنەوەی پابەندبوونی خۆی بە درێژەدان بە خەباتی ئاشتیانە و پاراستنی دەستکەوتەکانی گەلی کورد و بەهێزکردنی ڕۆڵی ژنان وەک هاوبەشی تەواو لە داڕشتنی داهاتوویەک کە لەسەر بنەمای دادپەروەری و ئازادی و شکۆمەندی بێت، بیرهێنانەوەی قوربانیدانی یەکینەکانی پاراستنی ژنان ”یەپەژە” کە بنەماکانی بەرگریکردن لە مرۆڤایەتی لە بەرەکانی شەڕدا بەرجەستە بوو.