فراشین مەروان

 

شنگال- ئەندامانی گروپی میوزیکی سازا ئێزی بە کۆی دەنگ لەسەر ئەوە کۆک بوون کە ئامانجی کلیپە نوێیەکەیان زیندووکردنەوەی میراسی ئێزدییە و وەڵامدانەوەی کۆمەڵکوژییەکانە، جەختیشیان لەوە کردەوە، کە ئەو کارە دیارییەکە بۆ ڕێبەر عەبدوڵا ئۆجالان و بەرجەستەی بانگەوازەکەیە بۆ ئاشتی.

 

گروپی میوزیکی سازا ئێزی سەر بە دەزگای شنگال بۆ کولتوورو هونەر لە شنگال، کلیپێکی نوێی بڵاوکردەوە، ئامانجی کلیپەکە زیندووکردنەوەی گۆرانییە نەریتییەکانی گروپە ئێزدییەکانی لاڤینجا پیرێ و زەمبیلفرۆشە، پێشکەشکردنی ڕۆحێکی هاوچەرخی هاوتەریب لەگەڵ دەستپێشخەریی ئاشتی و بونیادنانی کۆمەڵگەیەکی دیموکراتیک کە لەلایەن ڕێبەری گەلی کورد عەبدوڵا ئۆجالانەوە داوای کردبوو.

 

هەروەها گروپەکە گرتەیەکی ڤیدیۆیی لەسەر چیای شنگال، لەبەردەم قوبەی سەرێکانیە تۆمارکردووە، ئەمەش لە هەنگاوێکدا بە ئامانجی پاراستنی مێژوو و ئایین و بیروباوەڕی ناوچەکە، ئەو گروپە یەکەم بەرهەمی خۆی بە ناوی "Wawiska Bavê Qeşemê" بڵاوکردەوە، کە لە ساڵڕۆژی کۆمەڵکوژیەکەدا بۆ بۆچونی گشتی نمایشکرا، بوو بە ئاماژەی بەرخۆدانی شنگال، هەروەها دیڤا سیتیا نەخشاا، هونەرمەند بەشداری لەم کارە هونەرییەدا کردووە، ئامادەیییەکی جیاوازی بە ڤیدیۆکە داوە کە ڕەنگدانەوەی ڕۆحی میراس و ئیرادەی مانەوەیە.

سیاکۆ باگۆک، ئەندامی گروپی میوزیک سازا ئێزی ڕایگەیاند، کارە هونەریەکانیان تەرخانکردووە بۆ ڕێبەری گەلی کورد عەبدوڵا ئۆجالان: لاڤینجا و زەمبیلفرۆش دوو کەسایەتی دیارن لە کۆمەڵگەی ئێزدیدا، ئەوان پەیوەست بوون بە بیروباوەڕی خۆیانەوە و لە لالش جێگەی خۆیان گرتەوە، لاڤینجا لە بەرخۆدان لە زێدی خۆی خەباتی کرد و لەسەر ئەوە شەهید بوو، ئەو کەسایەتییەکی شۆڕشگێڕی نایابە سەبارەت بە زەمبیلفیرۆش، ژیانی خۆی بۆ دادپەروەری تەرخان کرد و لە پێناویدا شەهید بوو، بە بانگەوازکردن بۆ ئەم دوو کەسایەتییە، ویستمان هەڵوێستی خۆمان دەرببڕین و کارەکانمان وەک دیارییەک پێشکەشی ڕێبەر ئۆجالان بکەین.

 

"دەمانەوێت وەڵامی کۆمەڵکوژییەکان بدەینەوە"

ڕوونیشیکردەوە، کە گروپەکە بە چارەسەری خۆیانەوە گۆرانییە نەریتییە ئێزدییەکانیان لێکدەداتەوە، جەختیشی لەوە کردەوە، کە ڕێبەر عەبدوڵا ئۆجالان جەختی لەسەر گرنگی هونەر و کولتووری لە ڕۆشنگەریی کۆمەڵایەتی کۆمەڵگەی ئێزدیدا کردووەتەوە، کە ئامانجمان ئەوە بوو چیرۆک و گۆرانییە لەبیرکراوەکانمان زیندوو بکەینەوە و لەگەڵ پێکهاتەکانی دیکەدا هاوبەشیان بکەین، بە ناوی کۆمەڵگەی ئێزدییەوە سەرلەنوێ پێشکەشیان بکەین، کولتوور هونەر  ڕۆڵێکی سەرەکی دەگێڕن لەو ڕۆشنگەرییەی کە ڕێبەر ئۆجالان باسی دەکات، هەر بۆیە هەوڵماندا دەستپێشخەرییەکی کولتووری و هونەری دەستپێبکەین بۆ زیندووکردنەوە و بڵاوکردنەوەیان، هەروەها ویستمان دەرفەت بە ژنان و گەنجان بدەین کە گوزارشتیان لێبکەین، ئێمە لە ڕێگەی کولتوورییانەوە کارەکتەرەکانی لاڤینجا و زەمبیلفرۆشمان وەک ئاماژە هەڵبژارد بۆ وەڵامدانەوەی ئەو کۆمەڵکوژی و هێرشانەی کە کۆمەڵگەکەمان دەکەنە ئامانج.

 

دووپاتیکردەوە، کە گروپی سازا ئێزی پێشتر پڕۆژەی هاوشێوەی تەواو کردبوو، لەوانە گۆرانییەکانی یادی کۆمەڵکوژی و بۆنە بەرچاوەکانی وەک "کارشما سیری نیسانی"، ئامانجی پەرەپێدانی گروپەکەیەە لەڕێگەی ئەو دەستپێشخەرییانە، گروپەکە تایبەتە بە هاوڵاتیانی شنگال، تیرۆریستانی داعش لە کاتی کۆمەڵکوژییەکەدا ئامێری میوزیکیان لەناو بردووە، بەهۆی هەوڵەکانی گروپەکەوە ئەم ئامێرانە زیندووکرانەوە، دانیشتووان ئامێرە شکاوەکانیان چاککردەوە و ئامێرە نوێیەکانیان کڕی، بەمەش بەشدارییان لە دووبارە بونیادنانەوەی بناغەی  کولتووری و هونەرییەکان کرد.

 

ئاماژەی بەوەشکرد، گەنجان خواستێکی بەهێزیان بۆ بەشداریکردن نیشانداوە، هەروەها گروپەکە بووەتە ڕەنگدانەوەی زیندوو بۆ کولتوور و هونەری شنگال، شوێنی ناوازەی بۆ ژنان و گەنجان دروستکردووە بۆ دەربڕینی خۆیان، کۆمەڵگە بەڕاستی ئەم دەستپێشخەرییانە بەرز دەنرخێنێت، جەخت لەسەر ئەو کاریگەرییە بەرچاوە دەکاتەوە کە گروپی میوزیک لەسەر دەوروبەرەکەی هەیەتی.

 

"ژنان تەپڵی خۆیان وەک ئاماژەیەک بۆ دەربڕینی کولتووری خۆیان ببینن"

سیاکۆ باگۆک لە کۆتاییدا جەختی لەسەر ڕەهەندی کولتووری و مرۆیی دەستپێشخەریی گروپی میوزیکی سازا ئێزی کرد و ئاماژەی بەوەدا، کە ئامانجی سەرەکیی ئەو دەستپێشخەرییە ئەوەیە کە ژنان بە قووڵی کولتوورییان لە باوەش بگرن، هەروەها کارەکانی ڕۆژانەی گروپەکە ئامانجی ئەوەیە لە ڕێگەی هەوڵە هونەرییەکانەوە پەرەی پێبدات، کە کۆمەڵگە بە کۆمەڵگە ببەستێتەوە و بیهێننە ناو ماڵەکانەوە، بەمەش ژیان جوانتر و هەمەچەشنتر دەکات.

 

ئاماژەی بەوەشکرد، پێویستە ژنان تەمبوری خۆیان وەک ئاماژەیەک بۆ دەربڕینی کولتووری خۆیان ببینن، کولتوور و هونەر بە بنچینەیی بوونی ژن بزانن،  بانگهێشتی ژنانی زیاتری کرد بۆ ئەوەی بەشداری گروپەکە بکەن و تەمبورەکانیان هەڵبگرن بۆ دەربڕینی خۆیان، هەروەها تەکنەلۆژیای ئەمڕۆ دەرفەتێک دەدات بە تەپڵەکە تا بناغە و ئاماژەکانی خۆیان لە کۆمەڵگەدا وەربگرێتەوە.

 

"ئێمە میوزیک و کولتووری خۆمان لەبیر ناکەین"

ڤینار ڕیهام، یەکێک لە گەنجترین ئەندامانی گروپی سازا ئێزی هەستەکانی خۆی باسکرد و جەختی لەوە کردەوە، کە بەشداریکردنیان لەم هەوڵانەدا لە خواستی پاراستنی کولتووری ئێزدییەوە سەرچاوە دەگرێت، ئەوە زۆر نایاب و سەرنجڕاکێشە کە لێرە وەک بەشێک لە گروپێکی میوزیکی ئێزدی بین، تەمبورەکانمان ئێزدین، جلوبەرگەکانیشمان ئێزدین، گرنگە کولتووری خۆمان لەبیر نەکەین، میوزیک و جلوبەرگەکانمان لەبیرناکەین. وەک گروپێکی میوزیکی ئێزدی هەمیشە سەرکەوتوو دەبین و کولتوورەکەمان بە زیندووی دەهێڵینەوە.

 

ڕێڤین ئەحمەد، یەکێکی دیکە لە گەنجانی گروپەکە، پابەندبوونی خۆی بە پاراستنی میراسی ئێزدی و فراوانکردنی چالاکییەکانی گروپەکە دەربڕی و دووپاتیکردەوە، کە ئەم گۆرانییە بۆ ڕێبەر ئۆجالان دەڵێنەوە، ئامانجمان دڵنیابوونەوەیە کە کولتووری ئێزدی هەرگیز لەبیر نەکرێت.