rojane

13:34

60 saziyên çapemenî û mafên mirovan ku RSF jî di nav de ye, ji YE’yê xwestin ku peymana hevkarîya bazirganî ya bi Îsraîlê re ku rojnamevanên li Xezayê hedef digre, rawestîne û li ser kesên ku mafan binpê dikin cezayan bisepîne.

13:03

Cîgira Serokê Koma DEM’ê Gulistan Kiliç Koçyîgît di civîna çapemeniyê ya li Meclîsê de diyar kir ku qetilkirina 2 rojnamegeran di êrîşa li Başûrê Kurdistanê de sûcê şer e û berpirsyarê êrîşê Tirkiyê ye.

12:49

Hat ragihandin ku 130 malbatên Êzîdî ji kampa Êsiyan a Dihokê vedigerin Şengalê.

10:57

Li Zîvala Xezayê piştî fermana tehliyeyê birîndar û nexweşên li Nexweşxaneya Şehîdên Aksayê di şert û mercên zehmet de ketin rê. Rêvebariya nexweşxanê bang kir ku divê nexweşxane bê parastin.

10:42

Yekîtiya Ragihandina Jin (YRJ) encamên kampanya îmzeyan ya ‘Na ji darvekirinê re’ bi daxuyaniyekê ragihand. YRJ ragihand ku di çarçoveya kampanyayê de ji gelek welatan 36 hezar û 398 îmze hatine komkirin.

09:32

Komîteya Jinên Komele bi daxuyaniyekê qetilkirina her du rojnamevanên jin şermezar kir û got: “Divê li ber dadgehek dadperwerane de dewleta Tirk a faşîst hesabê van komkujî û sucên xwe bide.”

09:28

Jinên Rojnamevan li Idlibê bi gelek zehmetiyan re rûbirû tên, her wiha ji ber aloziyên li heremê û astengkirina çeteyan nikarin xebatên xwe bimeşînin.

09:22

Rojnameger Hejan Xalid bertek nîşanî êrişên dewleta Tirk ên li dijî rojnamegeran da û got: “Ne tenê rojnameger, divê her Kurdekî dakeve kolanan û êrişê şermezar bike.”

08:40

Rojnamevanên li Tirkiye îfadekirin ku di hedefa desthilata ku xwe li ser şer xwedî dike de hertim rojnamevan heye. Derbarê qetilkirina Gulistan Tara û Hêro Behadin de diyarkirin ku ji bo li ser rastiyê neyê girtin îro divê deng were derxistin.

08:23

Jinên ciwan ên beşdarî 1’emîn konferansa Navenda Lêkolînên Jineolojî ya Wargeha Mexmûrê ku di navbera dîrokên 23-24’ê Tebaxê de hate li dar xistin bûn, wiha gotin: “Em ê li dijî êrîş û pirsgirekên jinan bibin alternatîf û rêya çareserî ye.”

19:22

YPJˊê der barê êrişa dewleta Tirk a li ser rojnamevanên jin Gulistan Tara û Hêro Behadîn daxuyaniyek da û got: " Êriş bi armanca veşartina planên îlhakê hate pêkanîn."

19:17

Şêniyên Şehbayê bi pêşengiya tevgerên jinan li dijî qetilkirina rojnamgerên jin Gulistan Tara û Hêro Bahadîn meşiyan. Di meşê de peyama bilindkirina têkoşînê hat dayîn.

16:00

Jinan êrişên dewleta Tirk ên li dijî rojnamevanan şermezar kirin û diyar kirin ku wê bêdeng nemînin. Jinan gotin, "Em ê bi edaleta jinê hesabê van sûcan bipirsin."

14:37

Hejmara 78’yemîn ya Kovara Jin bi berga ‘dewletperestî, kapîtalîzm û hilweşîna ekolojiyê’ derket pêşberî xwendevanên xwe.

14:02

Endama Tevgera Azadî ya Komeleya Kurdistanê Sara Reza diyarkir ku berpirsê van êrişan hikumeta Iraq û desthilata herêma Kurdistanê ye û got: “Divê li dijî van êrişan hemû kes bibin xwedî helwest.”

12:49

Amal Al-Qubatî, got ku divê feraseta neyînî ya li dijî jinên di saziyên civaka sivîl de dixebitin, biguhere û diyar kir ku ev yek jî bi zelaliya di navbera her du aliyan û perwerdekirina civakên cihî dikare were kirin.

12:07

Li Efgansistanê ku Talîban rêveberiya wê desteser kir, qetilkirina jinan her roja ku diçe zêde dibe. Di van demên dawî de bi taybet dibin navê ‘întiharê’ de gelek mirinên jinan yên bi guman hatin jiyîn.

11:38

Îsraîlê ragihand ku ji ber bersivdayîna Hizbullahê piştî "êrîşa pêşîlêgirtinê" ya li dijî Lubnanê, li seranserê welêt ji bo 48 saetan rewşa awarte hat ragihandine.

09:27

Rojnamevanên jin ên Reqayê êrîşên dewleta Tirk a li dijî rojnameger Gulistan Tara û Hêro Bahadîn şermezar kirin û gotin ku ew ê li ser xeta wan bimeşin û nehêlin dengê rastiyê were birîn.

09:13

Rojnamevanên jin Gulistan Tara û Hêro Bahadîn ên di êrişê dewleta Tirk de hatin qetilkirin bibîr anîn û gotin: “Li ser şopa şehîdan em ê bi pênûs û kamerayên xwe li pey rastiyê bin.”