rojane

10:58

Li Efganistanê piştî Talîbanê, jiyana civakî li jinan bi temamî hat qedexekirin. Hûgiliyên “Zagona dilpakî” ya ku li Afganistanê ketiye meriyetê jî hatin eşkerekirin û diyar bû ku bi zagonê jiyana jinan zêdetir dê were sînordarkirin.

09:38

Ji ber êrişên Îsraîlê, şêniyên Xezayê yên li dibistan û navendên stargehan bi cih bûne, diyar kirin ku her dem bi tirsa mirinê dijîn, cihekî bi ewle tune ye û ji bo çareseriyê bang li saziyên navneteweyî kirin.

09:19

Sebahat Tuncel der barê geşedanên siyasî yên li Tirkiyeyê, bi taybet li ser pêvajoyê nirxandin kir û got: “Di civakê de tevî hewaya tirsê heye, îtirazek bi hêz jî heye. Divê mîsyonên rêxistinkirinê werin bicihanîn û siyaseta civakî were hûnandin.”

09:01

Pêşkeşvana Jin tv Agirî Brahîm êrîşên dewleta Tirk ên li dijî Jin tv ku di 23’yê Tebaxa 2023’an de pêk hatibû nirxand û got: “Em ê şopdarên hevalên xwe yên ji bo ragihandina rastiyê canê xwe feda kirine bin. Em ê riya wan bidomînin riya wan riya me ye.”

08:28

Jinên Efrînî yên li wargeha Berxwedan a Şehbayê bi cih bûne behsa zehmetî û astengiyên di nava kampên koçberiyê de kirin û gotin ku yên zêde zehmetiyan dikşînin jin in û diyar kirin pirsgirêka sereke tunebûna avê ye.

08:23

Endamên Însiyatîfa Azadiya Rêber Abdullah Ocalan a Sûriyeyê der barê însiyatîfa ku ava kirine de wiha gotin: “Însiyatîfa ku hatiye avakirin, ji bo misogerkirina azadiya fizîkî ya Rêber Apo ye.”

21:33

Malbata Şenyaşar a li pêşiya Meclisê çalakiya xwe didomîne destnîşan kir ku daxwaza wan a hevdîtina bi Serokkomarê AKP’î Tayyîp Erdogan re hebû. Ferît Şenyaşar diyar kir ku dê bi Serokkomar re hevdîtinek were plasazîkirin.

16:04

Meclisa Jinan a DEM Partiyê li dijî darvekirinên li Îranê çelenga reş a li ser “Darvekirinan rawestînin” dinivîsî danîn ber balyozxaneya Îranê.

15:32

Hate ragihandin ku di êrişên Îsraîlê yên ser bakurê Xezayê de 11 Filistînî hatin qetilkirin. NY diyarkir ku li Dîfa Xerbiye zêdeyî hezar û 175 avahiyên Filistîniyan hatine wêrankirin.

15:03

Aktivîst û parezerên mafên mirovan li dijî astengiyên nû yên Talîbanê ku ji bo jin û zarokên keç li Efganistanê derdixe nerazîbûnên xwe nişan didin. Neteweyên Yekbûyî da zanîn ku kiryarên Talîbanê yên li ser jinan, sûcê li dijî mirovahiyê ye.

13:03

Di 7 mehên destpêkê yên salê de, li Yemenê xebatên saziyên tenduristiyê tên astengkirin û ji ber şerê ku li navendên cuda berdewam dike, bi hezaran bûyerên nexweşiyên belavbûyî hatin raporkirin.

09:01

Çalakvanên jin ên Misrê diyar kirin ku xwepêşandanên li Hindistanê çêbûne girîng in û diyar kirin ku divê jin li cihên kar werin parastin.

08:51

Jina ciwan a li Sêrtê ji aliyê komek polîsan ve bi gotina, ‘Der barê te de gilî heye, nav bide me’ sîxurtî lê hat ferzkirin, serî li ÎHD û dozgeriyê da. Hat zanîn ku piştî serlêdana li emniyetê jê re gotine malbat lê digere û ‘bûyerê mezin nekin.’

08:19

Endama Meclisa Giştî ya Partiya Yekitiya Demokratîk (PYD) Perwîn Yûsif teqez kir ku felsefeya Jin Jiyan Azadî reng, çand, pêkhate, ol û mezheban kiriye yek û got: “Di bin vê felsefeyê de bi pêşengiya jinan dê civakek demokratîk û polîtîk ava bibe.”

08:15

Nerazîbûn û bertekên li hemberî biryara darvekirinê ya Îranê li 2 jinan biriye, her diçe zêdetir dibin. Rojnamevanên jin ên Şengalê dan zanîn ku ew ê bibin dengê wan jinên ku îro rabûne ser piyan û li ber xwe didin.

21:10

Îlham Ehmed di komxebata li Qamişloyê de axivî û got: “Çareseriya pirsgirêka Sûriyeyê wê li ser esasê çareseriya pirsgirêka Kurd be. Pêwîste Kurdî di destûra Sûriyê de cih bigire. Divê mafê me yê bingehîn pêk were.”

20:41

Desteya Jinan a Rêveberiya Xweser ji bo zarokan kampanyayek da destpêkirin. Di kampanyayê de dê gelek çalakî ji bo zarokan, malbat û civakê bêne lidarxistin.

20:32

Emîne Şenyaşar a ku hevjîn û 2 kurên wê di êrîşa parlamenterê AKP'ê de hatin qetilkirin, daxwaza xwe ya edaletê bir Meclîsê.

20:21

Hejmara kesên ku di êrişên Îsrailê li ser Xezayê de jiyana xwe ji dest dane giha 40 hezar û 223’an. Rojnamevanek din ku hewl dida tiştên li Xezayê tê jiyin ragihîne, hate hedefgirtin û qetilkirin.

15:45

Li Sûdanê cezayê darvekirinê li jinekê hat birîn û li Yemenê jî bi hinceta "têkilî bi dijmin re daniye" 13 sal cezayê girtigehê li jinek hat birîn.