rojane

12:15

34 rêxistinên ku di warê alîkariya mirovî û mafên mirovan de dixebitin, bang li Konseya Ewlekariyê ya NY û hemû dewletan kir ku firotina çekan ji bo Îsraîlê rawestînin û li gorî biryara UAD’ê tevbigerin.

11:15

Dadgehên Swêdê jineke 52 salî bi hinceta ku di navbera salên 2014-2016’an de li mala xwe ya li Reqayê jin û zarokên Êzidî kir kole, bi qirkirinê sûcdar kirin.

10:56

Ji ber polîtîkayên hikumetê Kurdên ku li Urmiye û li herêmên din dijîn perwerdeya zarokên wan nîvî dimîne. Mamoste Ronak Mohamedî got ku zarokên ji dibistanê tên girtin tên zewicandin û neçarî xebatê dimînin.

10:49

ATK’ê di rapora ku ragihand Serdozgeriya Komarê ya Amedê de diyar kir ku Narîn Guran a piştî wendabûnê 19 roj şûnde cenazeyê wê hat dîtin hatiye xeniqandin.

09:42

Jinên Idlibê destnîşan dikin ku ew ji ber hişmendiya mêr tên çewisandin, bi çavekî ku tenê ji bo karê malê û anîna zarokan bin li wan tê mêzekirin û bang kirin ku xebatên hişyariyê bên lidarxistin.

09:11

Derûnînas Muna Ebû Elba diyar kir ku ji ber şer bi jinên li Zîvala Xezayê re nexweşiyên derûnî zêde bûne û bang kir ku tevli civînên piştgiriya derûnî yên li hinek navendên koçberiyê didin bibin.

21:30

Li gundewarê Kobanê di encama lêdana brûskê de ji heman malbatê zarokekî jiyana xwe ji dest da û 2 kes jî birîndar bûn.

21:24

Emîne Şenyaşar a ku îro ketina wê ya avahiya koma DEM Partiyê hate astengkirin, rewşa wê aloz bû û rakirin nexweşxaneyê. Emîne Şenyaşar piştî dermankirinê ji nexweşxaneyê derket.

15:09

Emîne Şenyaşar a çalakiya wê ya “Nobeta Edaletê” ya li Meclisê hate astengkirin, piştî ku rewşa wê aloz bû rakirin nexweşxaneyê.

14:34

Emîne Şenyaşar a ku çalakiya xwe ya ‘edaletê’ li ber Meclisê didomîne, ketina wê ya avahiya Koma DEM Partiyê hat astengkirin.

14:14

NY’ê ragihand ku gelê li Zîvala Xezayê ya ku artêşa Îsraîlê zêdetirî 11 meh in êrîşên xwe lê didomîne, bi navînî her du rojan carekê tenê dikarin xwarinê bixwin. Li herêmê 3 hezar û 500 zarok ji ber birçîbûnê di bin metirsiya mirinê de ne.

13:48

Pêşangeha şêwekarî ku bi taybetî ji wêneyên pênûsa risas ên hemû jinên şêwekar pêk tê li Dîwandereyê hat vekirin. Mamosteya hunerê Zihûre Lutfî wiha got: “Berhemên vê pêşangehê der barê jin, zarok û ajalan de ne.”

11:25

Xwediyên Xelatên Rojnamevaniyê yên Apê Mûsa û Şehîdên Çapemeniya Azad diyar bûn. Xelata Rûmetê ya îsal; ji bo biranîna rojnamevan Gulistan Tara û Hêro Bahadîn ên bi SÎHA'ya Tirkiyeyê hatin qetilkirin, dan rojnamevan Pexşan Ezîzî.

10:54

Seroka Komeleya Kesên Xwedî Pêwîstiyên Taybet a Musawayê Hanan Al-Farsî destnîşan kir ku ji bo mafên jinên xwedî pêwîstiyên taybet hebe beşdarî her qadê jiyanê bibin divê têkoşîna tevgera jinan du qat zêdetir bikin.

09:49

Hevpeymana 188’an çalakiyên xwe yên ji bo rawestandina Zagona Rewşa Kesane berdewam dike. Meclisa cîgiran a Iraqê hewl dide sererastkirina zagonê bihêle xwendina duyemîn.

08:25

Gelê Wargeha Mexmûrê yên bi salane rastî her cûrê êriş, amborgo, dorpeç û polîtîkayên şerê taybet ên dewleta Tirk a bi hevkariya PDK’ê û hikûmeta Iraqê tên, rûxmê tevahî êrişan jî têkoşîn û berxwedana xwe didomînin.

08:20

Jinên Êzidî yên tev li komxebata ‘Têkoşîna azadî û tifaqa gelan’ bibûn, diyar kirin ku bi felsefeya Rêberê Gelê Kurd Abdullah Ocalan li her qadê reng û denge jinan heye û ji bo azadiya wî ya fîzîkî banga têkoşînê kirin.

22:24

Hêzên Parastina Jinên Beth Nehrîn û Sotoro Jin li ser “Xweparastina jinê mafekî rewa ye ji bo azadiyê” li bajarê Qamişlo panêlek li dar xistin.

21:02

Çalakvanên Wargeha Mexmûrê, zêdetirê saleke bi biryardariyek xurt Çalakiya Nobetê ya bi armanca mîsogerkirina azadiya fîzîkî ya Rêberê Gelê Kurd Abdullah Ocalan hatî destpêkirin, didominin.

16:00

Komxebata ‘Li hemberî krîza dewlet û desthilatdariyê, têkoşîna azadî û tifaqa gelan’ ku li navenda Şengalê hat lidarxistin, bi encamnameyê bi dawî bû.