rojane

17:04

Înîsiyatîfa Supromen li Qahîreyê li dijî tundiya dîjîtal a ku jin pê re rû bi rû dimînin projeya ‘Delile’ da destpekirin.

15:23

Meclisa Kombûna Jinan a Zenûbiya ya kantona Reqayê, cînayetên jinan şermezar kir û daxwaz kir ku sûcdar hesab bidin û werin cezakirin. Meclisê, destnîşan kir ku parastina jinan berpirsyariyek kolektîf e.

14:55

NY’ê têkildarî doza Şerîfe Mihemedî nameyek fermî ji bo Nûnerê Îranê yê NY’ê re şand û qala hinek binpêkirinan kir û got: “Şerîfe tenê ji ber çalakiyên xwe yên aştiyane bi cezayê darvekirinê re rû bi rû maye.”

14:35

Talîban gefê li jinên ku wekî porçêkerên malê yên veşartî dixebitin dixwe. Yekîneyên Wezareta Fermankirina Qencî û Qedexekirina Xerabiyê jî êrîşî hin dibistanên taybet kirine û keçan neçar kirine ku ji dibistanê derkevin.

14:11

Bi diruşmeya “Em ê bi afrîneriya hunerê jiyana komunal ava bikin, di Kurdistan a azad de Rêber Apo hembêz bikin” gelê Zirganê şahiyek lidar xist û banga azadiya fîzîkî ya Rêberê Gelê Kurd Abdullah Ocalan kirin.

13:15

Ji ber rêgirî û dorpêça Îsraîlê ya li ser Xezayê ku ji 7’ê Cotmeha 2023’an heya niha êriş li ser didome, di 24 seatên dawî de 3 jê zarok 10kesên din ji birçîna mirin.

13:00

Xelkê taxa Sumeriyeya li gundewarê Şamê ku ji aliyê hêzên HTŞ’ê ve bi darê zorê ji malên xwe hatine derxistin, destnîşan kirin ku heman dîmenên Suweydayê li Sumeriyeyê jî derketine holê.

11:38

Di êrîşên Îsraîlê yê li ser herêmên cûda yên Zîvala Xezayê de 5 Filistîniyên din jiyana xwe ji dest dan.

10:26

Di 21-30’ê Tebaxê de li Sûriyeyê zêdetirî 800 kesayetan ji bo hevdîtina bi Rêberê gelê Kurd Abdullah Ocalan re tevlî kampanyaya ‘Ez dixwazim bi Ocalan re hevdîtinê bikim’ bûne.

10:21

Hejmara nû ya kovara Jinê bi berga “Ji herêmê ber bi kûrewî ve lêgerîna aştiyê ya jinan” derket pêşberî xwendevanên xwe.

09:10

Jinên Kobanêya ku tiştên li Xezayê diqewimin jiyaye, bêdengiya civaka navneteweyî ya ji bo rewşa jin û zarokên Xezayê şermezar kirin û bi gotinên “Xwe li hember qirkirinê birêxistin bikin” bang li jinên Xezayê kirin.

08:47

Aktîvîsta hiquqî Leyla Amêlî balkişand ser astengiyên ku jin digel guhertina zagonan jî li deverên dûr dikşînin û got: “Wekhevî ne luksek e, mafek bingehîn ê jinan e.”

08:35

Jin eşkerekirina jinan wekî rêbazek berxwedanê ya li dijî pergalekê pêş dixin ku tê de edalet tê înkarkirin, nirxên civakî li ser jinan tên tepisandin û dadwerî û ceza li gorî hişmendiya mêran dixebitin.

08:20

Li Efganistanê di meha Tîrmeh û Tebaxê de 13 jin û 8 zarok hatin qetilkirin. Her wiha 5 jin bi awayekî guman mirin û cenazeyên du zarokan jî di çem de hate dîtin.

08:19

Çalakvana mafên jinan Emal Hacacbiryara Cezayirê ya rakirina dudiliyên li ser benda 4'an a madeya 15'an a CEDAW’ê nirxand: "Di navbera destkeftiyên sembolîk û rastiyên aloz de, jinên Cezayîrî di navenda şer de dimînin û maf û destkeftiyên xwe diparêzin.”

08:17

Berdevka Komîteya Perwerdeyê ya Kongra Star a Qamişloyê Rohilat Muslim, biryara darvekirinê ya rejîma Îranê daye çalakvan û kedkara mafên jinan Şerîfe Muhemedî, şermezar kir û da zanîn ku rêxistinên jinan wê têkoşînê bidomînin.

23:22

Ji ber dorpêça Îsraîlê, xelkê Xezayê ji birçîbûnê dimirin. Li gorî çavkaniyên fermî, di 24 saetên dawî de 10 Filistînî ku sê ji wan zarok in, ji ber birçîbûn û kêmbûna xurekê mirine.

22:44

Hêzên Parastina Jinan ên Beth Nehrin ku hêzekî xweser a jinên Asurî û Suryanî ye li bajarê Qamîşlo yê Bakur û Rojhilatê Sûriyeyê ji bo salvegera dehemîn a damezrandina xwe çalakiyek li dar xistin.

19:44

Jinan li bajarê Suweydayê, wêneyên zarokên xwe yên di şer de hatine qetilkirin û hatine revandin hilgirtin û daketin kolanan. Jinan, daxwaza serxwebûn, bidawîanîna dorpêçê û vegerandina bê şert û merc a êsîrên xwe dikin.

19:07

Jinên ku beşdarî bazara li Bexdayê bûn, daxwaza piştgiriyek rasteqîn ku wê berdewamiya projeyên wan misoger bike û wan di nav civakê de bihêz bike kirin.