Navenda Nûçeyan – Hejmara nû ya meha Tebaxê ya rojnameya “Newaya Jin” bi sernavê “Vîna çareserkirina pirsgirêkek 100 salî rûbirûbûna wê ye” hate weşandin.

Ev hejmara ku bi destnîşankirina rizgariya jinan hatiye amadekirin, gotar û nirxandinên ku gelek mijaran vedihewîne, ji pêşketinên ku dîroka dawî ya gelê Kurd teşe dane bigre, heya nîqaşên siyasî û civakî yên heyî, dihewîne. Rûbirûbûn, çareseriyên demokratîk, serokatiya jinan û xweparastina civakî mijarên sereke yên di hejmara nû de ne.

Gotarên sereke yên vê hejmarê ev in:

“Raperîn Munzur di gotara xwe ya bi navê “Teoriya Gul û Kurdistan” de, Serhildana 15’ê Tebaxê wekî yek ji xalên werçerxê yên têkoşîna gelê Kurd a ji bo azadî û hebûnê li dijî polîtîkayên înkarê dinirxîne.

Gotarek ji hêla endama Konseya Serokatiya Giştî ya KCK’ê Sozdar Avesta ve hatî nivîsandin. Gotar, êrîşên ku ji hêla DAIŞ’ê ve di 3’ê Tebaxa 2014’an de li dijî civaka Êzîdî hatine kirin dinirxîne û encamên komkujiyê ku bi taybetî jin û zarok hedef girtin, nîqaş dike. Nivîs her wiha balê dikişîne ser pirsgirêkên ewlehî û siyasî yên ku Şengal îro pê re rûbirû ye.

Qanûna çarçoveyî û ji bo aştiyê wêrekî

Nirxandina Hacer Altunsoy a bi sernavê “Qanûna bingehîn û Wêrekî ji bo Aştiyê”, nîqaşên li ser çareseriya pirsgirêka Kurd vedibêje. Nivîs tekez dike ku çareseriya pirsgirêkên100 salî ne bi berdewamiya polîtîkayên şer, bi rûbirûbûna bi rastiyê û îradeya çareseriyên demokratîk mimkun e.

Nivîsa Viyan Lolan a bi sernavê “Xweparastin rêxistinkirina çandî ye”, têgeha xweparastinê li ser bingeha rêxistina civakî û berdewamiya çandî dinirxîne.

Ji aliyê din ve Roza Metîna polîtîkayên bêcezatiyê yên ku di dozên kuştina jinan de têne sepandin vedikole, balê dikişîne ser wê rastiyê ku qanûn li şûna parastina jinan bûye amûrek pergala serdest a mêran.

Nivîsa Pelşîn Tolhildan behsa têkoşîna rizgariya jinan û felsefeya zayendî ya azadîxwaz dike, di heman demê de dosyaya Jineolojiyê ya Seval Balci xebata li Şengal û Başûrê Kurdistanê vedikole. Dosya nirxandinên li ser xuyangkirina bîra jinan, pêvajoyên ji nû ve avakirinê, ezmûnên rêxistinî û lêgerîna jiyaneke azad dihewîne.

Beşa çandî ya rojnameyê hevpeyvînek bi nivîskar Gulistan Kanîreş re pêşkêş dike, di heman demê de jiyana Evîn Goyî û girîngiya nivîsandina dîroka xwe bi romana wê ya dawî jî vedikole.

Beşa portreyê jinên stêrnas ên ku li Observatorya Harvardê dixebitin, hunermend Asmahan tevgera jinan a Hindî û têkoşîna rojnamevana Fîlîpînî Frenchie Mae Cumpio vedihewîne.

Rûpela dawî notên bijartî ji rojnivîskên Berfîn Nurhak, Fermandara YJA STAR û Endama Meclîsa PAJK’ê ku li Garê jiyana xwe ji dest da, vedihewîne.”

Xwendevan dikarin xwe ji navnîşana newayajin.net  xwe bighînin hejmara Tebaxê ya Newaya Jin.