Navenda Nûçeyan – Wezareta Tenduristiyê ya li Xezayê daxuyaniyek nivîskî weşand û agahiyên herî dawî parve kir. Hat ragihandin ku di 24 saetên dawî de li Xezayê heft Filistîniyên din ku yek ji wan zarok bû, ji ber birçîbûn û kêmasiya xwarinê mirin.

Hat destnîşankirin ku hejmara miriyên ji ber birçîbûnê li Zîvala Xezayê ji 7’ê Cotmeha 2023’an vir ve gihîştiye 411 kesan ku 142 ji wan zarok bûn.Ji 22’ê Tebaxê vir ve ku Dabeşkirina Qonaxa Ewlekariya Xwarinê ya Yekgirtî (IPC) ya ji hêla Neteweyên Yekbûyî (NY) ve tê piştgirî kirin, li Xezayê birçîbûn ragihand 133 kesên 27 jê zarok bûn, ji ber birçîbûn û kêmasiya xwarinê mirine. IPC li Xezayê "rewşa birçîbûnê" ragihand û hişyarî da ku rewş dikare heta dawiya Îlonê li bajarên Dêr el-Belah û Xan Yûnis ên Zîvala Xezayê belav bibe.

Di êrişan de 72 Filistînî hatin qetilkirin

Hat ragihandin ku di 24 saetên dawî de 72 mirî û 356 birîndar li Zîvala Xezayê birine nexweşxaneyê. Hat ragihandin ku artêşa Îsraîlê di êrîşên ku ji 18’ê Adarê ve, piştî rawestandina agirbesta ku di 19ê Çile de hatibû lihevkirin, dest pê kirine de 12 hezar û 170 Filistînî kuştine û 51 hezar û 818 kes jî birîndar kirine.

Hat ragihandin ku ji 27’ê Gulanê ve di êrîşên sîstematîk ên bi pêşengiya Îsraîlê û Amerîkayê yên li ser Filistîniyan li xalên qaşo belavkirina alîkariyê de, hejmara kesên ku jiyana xwe ji dest dane gihîştiye 2 hezar û 465 kesan û hejmara birîndaran jî gihîştiye 17 hezar û 948 kesan.

Hat ragihandin ku ji 7’ê Cotmeha 2023’an vir ve di êrîşên Îsraîlê yên li ser Zîvala Xezayê de hatine kuştin gihîştiye 64 hezar 718 kesan û hejmara birîndaran jî gihîştiye 163 hezar û 859 kesan. Hat ragihandin ku bi hezaran mirî hîn jî di bin kavilên Şerîda Xezzeyê de mane.