Hesekê – Bi mebesta nêzîkbûna Rojbûna Rêberê Gelê Kurd Abdulah Ocalan ku 4’ê Nîsanê ye, Meclîsa Jinan a Partiya Yekîtiya Demokratîk( PYD) şahiyek li taxa Kebaba ya bajarê Hesekê organîze kir. Di şahiyê de hevserokên jin ên saziyên civakî yên sivîl, Kongra Star û partiyên siyasî amade bûn. Piştî deqeyek rêzgirtin, Rêveberiya Meclîsa Jinan a Partiya Yekîtiya Demokratîk (PYD) Hemdiya Şemdîn axivî.

‘Tenê Rêber Apo dikare vê krîzê çareser bike’

Hemdiya rojbûna Rêberê Gelê Kurd Abdulah Ocalan li tevahî jinan pîroz kir û wiha got: “Rojbûna Rêbertiya me rojbûna hemû gelê azadîxwaz e. Di serî de em li dayîka wî pîroz dikin û ji bo tevahî gelê Kurd roja vejîn û azadiyê pênase dikin.” Hemdiya da zanîn ku Rêberê Gelê Kurd Abdulah Ocalan rêberek xelasiya mirovahiyê ya ji bindestî û zilimdariyê ye û wiha got: “Pêvajoya ku Sûriye tê de derbas dibe, pêvajoyek pir hesas e. Ev pêvajo û krîza ku derdikeve holê, tenê Rêber Apo dikare çareser bike. Ji bo wê, di vê pêvajoyê de ji jinan tê xwestin ku xwe bêtir xwebirêxistin bikin û xwedî li banga dîrokî derkevin da ku em bibin bersiv ji vê pêvajoyê re.”

Şahî piştî axaftinê bi gerandina govendan berdewam kir.