Navenda Nûçeyan- Ji 7’ê Cotmeha 2023’an ve êrîşên Îsraîlê yên li ser zZvala Xezayê bênavber berdewam dikin. Di êrîşên artêşa Îsraîlê yên li dijî herêmên curbecur ên Zîvala Xezayê de 36 Filistînî ku di nav wan de jin û zarok jî hebûn jiyana xwe ji dest dan.

Kon hat topbarankirin

Ajansa fermî ya Filistînê WAFA ragihand ku leşkerên Îsraîlî danê sibehê konê ku Filistîniyên bi darê zorê ji cih û warên xwe bûne li herêma El-Mevasî ya Xan Yûnisê ya li başûrê Zîvala Xezayê topbarankirin kirin. Di êrîşê de jin û zarok jî di nav de 11 Filistînî jiyana xwe ji dest dan û 15 kes jî birîndar bûn.

Çavkaniyên tenduristiyê diyar kirin ku ji ber topbarana Îsraîlê ya li herêma Benî Suheyla ya bajarê Xan Yûnisê ya ku sivîl lê kom bûne hedef girt, 2 Filistînî jiyana xwe ji dest dane û gelek kes jî birîndar bûne.

Şahidên bûyerê diyar kirin ku di êrîşa balafira keşfê ya Îsraîlê ya li dijî Filistîniyên li ber deriyê benzînxaneya li kolana Selahedîn a li rojhilatê bajarê Dêr El-Belahê kom bûne de gelek kesan jiyana xwe ji dest dane û hat ragihandin ku kesên jiyana xwe ji dest dane. j û di êrîşê de birîndar bûne rakirine Nexweşxaneya Şehîdan a Eqsayê.

Sivîl bûn hedef

Ji aliyeke din ve çavkaniyên ji Nexweşxaneya Şehîdên Eqsayê li bajarê Dêr Belahê diyar kirin ku di êrîşa Îsraîlê ya li dijî welatiyên sivîl ên li derdora "Stasyona Behlûl" a li kolana Selahedîn a li rojhilatê bajêr kom bûne de 8 Filistînî jiyana xwe ji dest dane. Li gorî çavkaniyên Kompleksa Tiba Şîfayê, di encama topbarana balafireke keşfê ya Îsraîlê ya li dijî Filistîniyan li bazara Kampa Penaberan a Şatî ya li rojavayê bajarê Xezayê, 4 Filistînî jiyana xwe ji dest dane. Çavkaniyên Nexweşxaneya Baptist a El-Ehlî diyar kirin ku di êrîşa ku li Taxa Şucaiyê ya li rojhilatê bajarê Xezayê bi balafira bêmirov a Îsraîlê ya bi navê "Quadcopter" li dijî Filistîniyan 1 kes jiyana xwe ji dest daye. Di êrîşa Îsraîlê ya li dijî sivîlên li bajaroka Cibaliya ya li bakurê Zîvala Xezayê  de 10 Filistînî jiyana xwe ji dest dane.