Navenda Nûçeyan – Li Maliyê bi taybetî li herêmên li derveyî kontrola dewletê, qetilkirina sivîlan zêde dibe. Ev kesan piranî, bi "hevkariya bi hikûmetê an jî hêzên biyanî re" tên sûcdar kirin. Sepanên bi vî rengî, ji bo çandina tirs û zextê di nav gelê herêmî de têne bikar anîn.

Mariam Cisse, aktîvistek ku li TikTokê dihat naskirin bû. Mariam Cisse 6’ê Mijdarê, li bakurê Maliyê ji aliyê kesên çekdar ên tê diyar kirin endamê komên cîhadîst in ve hate revandin. Mariam Cisse, bi sûcdariya "dayîna agahdariyê ji artêşê re” hat sûcdarkirin.

Li gorî agahiyên ji malbata aktîvîst hate girtin, êrîşkaran roja din Mariam Cisse bi motorsîkletê birine bajarê Tonka û li Qada Îstîkbalê li ber çavên gel qetilkirin.

Ev sûc, mîna perçeyek a ji şêwazek binpêkirinên li dijî jin û çalakvanan li herêmên li derveyî kontrola dewletê tê nirxandin. Bûyer ji aliyê gelê xwecihî û komên mafên mirovan ve bi berfirehî hatiye şermezarkirin.

Mariam Cisse, bi parvekirina vîdyoyên têkildarî bajarê Tonka ya li herêma Timbuktu ê, dihat naskirin. Nêzîkî 90 hezar şopînerên wê hebûn. Lêbelê, kesên wê revandin, wê bi "hevkariya bi artêşa Malî re" sûcdar dikirin.

Qetilkirina Mariam Cisse, di nava raya giştî de bû sedema fikarên mezin. Malî ji sala 2012’an vir ve ji ber serhildana çekdarî ya berdewam di bin desthilatdariya leşkerî de ye.