Navenda Nûçeyan – Piştgiriya ji bo pêvajoya ‘Aştî û Civaka Demokratîk’ ku bi pêşengiya Rêberê Gelê Kurd Abdullah Ocalan, li qada navneteweyî didome.

Di vê çarçoveyê de bi dehan kesayetên Îtalî ku di nav de senetor, parlamenter, sendîkavan, akademîsyen û parêzer jî hene, nameyek ji serokê Komîteya Wezîran a Konseya Ewropayê Gabrîel Revel re nivîsandin û banga naskirina ‘mafê hêviyê’ ji bo Abdullah Ocalan kirin.

Di nameyê de behsa krîzên li Rojhilata Navîn tê kirin û bal tê kişandin ser girîngiya rola Abdullah Ocalan. Di nameyê de, ev tişt hat gotin: “Ji ber şerê li Rojhilata Navîn ku Îranê jî girt nava xwe, krîzeke nû li herêmê derdikeve holê. Tirkiye yek ji wan welatan e ku rasterast di pevçûnê de cih negirtiye. Ev rewş bi analîzên Abdullah Ocalan ên li ser herêmê ve hat girêdan. Ew li şûna çareseriyên leşkerî, diyalog û lihevhatinê pêşniyar dike. Der barê pêşketinên li Sûriyeyê de, Abdullah Ocalan behsa girîngiya kêmkirina rageşiyê û şopandina çareseriyeke siyasî kir û nêrînên xwe parve kir.”

‘Biryarên KE’yê û DMME’ê nayên pêkanîn’

Di nameyê de ev tişt hat gotin: “Tevî bangên ji bo çareserî û lihevhatinê, Abdullah Ocalan li Îmraliyê tê girtin û hat gotin ku ev rewş beşdarbûna wî ya di pêvajoyê de sînordar dike. Birêz Ocalan diyar kir ku ew ji bo çareseriyeke siyasî amade ye lê ji ber şert û mercên girtîgehê nikare roleke bi bandor bilîze. Avakirina komîsyona Meclîsê û serdana wê ya li Îmraliyê gavên girîng in. Ocalan wekî muxatabê sereke tê dîtin. Lê belê di şert û mercên girtina wî de tu guhertin çênebûye û ragihandin hê jî sînordar e.”

Di nameyê de, hat diyarkirin ku di rapora komîsyonê ya Sibata 2026’an de girîngiya bicihanîna biryarên DMME û Dadgeha Destûrî hat destnîşankirin û ev tişt hat gotin: “Lê belê nêzîkatiya li dijî terorê berdewam dike û ev yek astengî ye li pêşiya diyalogê. Tevî pêşniyarên Konseya Ewropayê jî tu gavên berbiçav nehatine avêtin.”

‘Mafê hêviyê nas bikin’

Di nameyê de, hat destnîşankirin ku azadiya Abdullah Ocalan dê tevkariyeke xurt di pêvajoya aştiyê de bike û ji Konseya Ewropayê hat xwestin ku ‘mafê hêviyê’ nas bike.

Hat diyarkirin ku Abdullah Ocalan di nava sala borî de gotinên xwe bi gavên şênber pratîze kiriye û hat gotin ku bi banga birêz Ocalan re PKK’ê biryara bidawîanîna têkoşîna çekdarî û fesihkirinê daye.

Her wiha di nameyê de, hat gotin ku bi sedan kes û rêxistinên navneteweyî ku di nav wan de xwediyên Xelata Nobelê jî hene piştgiriya xwe ji bo birêz Ocalan anîne ziman û di salvegera banga birêz Ocalan a 2025’an de, behsa girîngiya aştî û demokrasiyê hat kirin.

Di nameyê de, hat xwestin ku mafê hêviyê were naskirin û biryarên DMME’ê werin bicîhanîn. Di dawiyê de, hat xwestin ku Abdullah Ocalan serbest were berdan û bi rengekî çalak tevlî pêvajoya aştiyê bibe.

Navê îmzekeran wiha ye:

“Fabrizio De Sanctis, parêzer, Yekîtiya Partîzanên Îtalyayê

Domenico Gallo, serokê Rûmetê yê Dadgeha Bilind a Romayê

Peppe De Cristofaro, Senator

Luana Zanella, parlamenter

Marco Grimaldi, parlamenter

Francesca Ghirra, parlamenter

Francesco Mari, parlamenter

Angelo Bonelli, parlamenter, berdevkê Keskan

Francesco Emilio Borrelli, parlamenter

Devis Dorî, parlamenter

Eleonora Evî, parlamenter

Nîcola Fratoianni, parlamenter

Elîsabetta Piccolotti, parlamenter

Filîberto Zaratti, parlamenter

Giovanni Russo Spena, parêzer, senatorê berê

Donatella Ianelli, parêzer

Livio Pepino, parêzer, dadwerê berê

Michela Arricale, parêzer, Hevseroka CDER

Fabio Marcelli, parêzer, Hevserokê CRED

Nicola Giudice, parêzer

Francesco Romito, parêzer

Walter Tucci, parêzer

Mario Antonio Angelelli, parêzer

Luigi De Magistris, Dadwerê berê, Şaredarê berê yê Napolî

Claudio De Fiores, Presidente Centro Riforma dello Stato

Antonello Ciervo, parêzer

Maurizio Acerbo, Sekreterê Neteweyî yê Rifondazione Comunista / Ewropa Çep

Anna Camposampiero, Serokê Têkiliyên Derve, Rifondazione Comunista / Sekreteriya Neteweyî ya Ewropayê Çep

Stefano Galieni, Rifondazione Comunista / Sekreteriya Neteweyî ya Ewropayê Çep

Alessandra Agostino, profesora Hiqûqa Destûrî, Zanîngeha Hiqûqê a Torino

Valentina Pazé, Mamosteya Felsefeya Siyasî, Zanîngeha Torino

Giorgia Sanguinetti, Sekretera Odeya Karkeran a CGIL Mîlanoyê

Enzo Greco, Sekreterê Odeya Karkeran a CGIL Mîlanoyê

COBAS, Konfederasyona Komîteyên Bingehîn

Piero Bernocchi, berdevkê Konfederasyona COBAS

Antonio Amoroso, endamê Lijneya Rêveberiya Neteweyî ya Konfederasyona CUB

Roberto Aprile, endamê Lijneya Rêveberiya Neteweyî ya Konfederasyona COBAS

Renato Franzitta, endamê Lijneya Rêveberiya Neteweyî ya Konfederasyona COBAS

Vincenzo Miliucci, endamê Lijneya Rêveberiya Neteweyî ya Konfederasyona COBAS

Cesare Antetomaso, parêzer

Valentina Rîpa, Pispora Zimanê Spanî, Zanîngeha Salerno

Antonella Barranca, endama Sekreteriya CGIL Milano Nidil

Alessandro Credali, endamê Sekreteriya CGIL Milano Flai

Paola Tommaseti, Sekretera CGIL Milano Flai

Hazal Koyuncuer, endama Sekreteriya CGIL Milano Flai

Luca Benedetti, Rêveberê Herêmî yê CGIL Giambellino

Paolo Limonte mamoste

Eduardo Bai, bijîşk

Yilmaz Orkun, Buroya Enformasyonê ya Kurdistanê ya li Îtalyayê.”