Navenda Nûçeyan – Li gorî çavkaniyên herêmî, Îsraîlî ketine bajarokê Deyr Dibwan ê li rojhilatê Ramallahê. Wan êrîşî fermek pezên Filistînî kirine, êrîşî du karkeran kirine û dû re 150 pez dizîn.

Êrîş di 20 salên dawî de di asta herî bilind de ne

Li gorî daneyên Neteweyên Yekbûyî, êrîşên Îsraîlê li ser Filistîniyan li Şerîaya Rojava ya dagirkirî, ku Îsraîlê erdên Filistînî lê desteser kirine, gihîştine asta herî bilind a 20 salên dawî ji dema ku qeydkirin dest pê kirine.

Piştî destpêkirina êrîşên Îsraîlê yên li ser Xezeyê di Cotmeha 2023’an de, girtin, serdegirtin û êrîşên li dijî Filistîniyan li Şerîaya Rojava û Qudsa Rojhilat ên dagirkirî jî bi girîngî zêde bûne.

Li Şerîaya Rojava ya dagirkirî, nêzîkî 451 hezar Îsraîlî û li Qudsa Rojhilat jî nêzîkî 230 hezar Îsraîlî erdê Filistînê dagir dikin. Qanûna navneteweyî van desteserkirinên li Şerîaya Rojava û Qudsa Rojhilat neqanûnî dibîne.