ked û aborî

10:28

Li Tirkiyeyê ji ber ku hema bêje her demjimêr bihayê her tiştî zêde dibe jin bi destên vala ji bazarê vedigerin malên xwe. Yek ji wan jinên ku li bazarê ye dibêje; “Di vî temenî de ez nanê li kolanan dibînim dibim malê dixwim” yek jî bi gotinên; “Tu tiştek ber bi başiyê ve naçe” rewşa giştî tîne ziman.

11:58

Tevî ku jin di warê aborî de di karên ne fermî de dixebitin jî jinên Cezayîrê di çandiniyê de ku yek ji şaxên hilberînê yên herî çalak e, namzedên hilberîneriya xwediyê îmzayê ne. Komeleya Geşedana Neteweyî ya Pêşxistina Jin û Gundan bal kişand ser girîngiya kooperatîfan û diyar kir ka jin di vî warî de çawa bi rêxistin dibin.

09:18

Sevîm Bayatkara ya li Çewlikê dijî, bi hilberînên şîr ên çêdike dikanek vekir, di demeke kin de bi teqdîrkirina berheman nav û dengê wê gihîşt heta derveyî welat û di dikana xwe ya ku bi salan e dixebitîne de penîr, lorik û rûnê nivîşk çêdike.

08:00

Ji ber şert û mercên zehmet ên rewşa aboriyê jinên Flistînî li herêma Xezayê di nava hewldanên karkirinê de ne. Jinan karîne jêhatîbûn û enerjiya xwe ji bo xizmeta civakê bixebitînin û bi keda destê xwe debara xwe dikin. Ji jinên Filistînê yên destbikêr Samar El-Bea ji bo ku bi şert û mercên jiyanê yên zehmet re rû bi rû nemîne, hem jî bi malbata xwe re bibe alîkar, bi karê xwedîkirina mêşên hingiv mijeûl dibe û ev kar ji bo wê bûye çavkaniya jiyanê.

08:37

Rêveberiya Aboriya Jin a Bakur û Rojhilatê Sûriyeyê Armanc Muhemed destnîşan kir ku beriya sala 2012’an tundiyeke aborî ya zor li ser jinan ji hêla rejîma Beasê û mêran ve dihat meşandin. Her wiha da zanîn ku avakirina komîte û projeyên taybet, bersiva herî zelal a li hemberî wê tundiyê bûn ku bi hezaran jin cihê xwe di projeyên aborî de digrin û aboriya xweser bi dest xistine.

08:08

Ji jinên koçberên Efrînê Hesna Mihemed Henan a li wargeha Berxwedan bi dikanek biçuk hewil didin pêdiviyên rojane yên zarokên xwe bi dest bixe got: "Ez di dikanê de dixebitim da ku bikaribim pêwîstiyên zarokê xwe bi cih bînim. Gelek caran em alîkariya milet dikin û pir bi erzanî zebzeyan difroşin. Em jinê Efrîn fêr nebûne bê kar bimînin, ji ber wê sebra xwe bi vî karî dînim."

10:17

Merwa Şurît xeyala xwe ya ketina cîhana bazirganiyê û damezrandina projeya xwe ya ku her tim pê bawer bû, pêk anî, da ku bigihîje serxwebûna xwe ya darayî û îsbat bike ku jin dikarin projeyên sûdmend biafirînin û dikarin beşdarî çerxa aborî bibin.

08:26

Jinên Idlibê ji bo pêkanîna karên xwe rastî gelek zehmetiyan tên, yek ji wan zehmetiyan jî adet û paşverûtî ne. Herî dawî jî desthilatdariya ku li ser jinan tê meşandin tevgera wan sînordar dike û barê giran li ser milên jînan zêde dike.

09:12

Jinên ji gundê Ziravik û Bubanê di derbarê komkirina Zeytunan de gotin: "Me dest bi komkirina zeytunan kiriye, ji ber kêm av û nebarîna baranê, îsal mewsim hin cihan kême, dîsa jî em debara xwe pê dikin."

08:03

Cotkar Fatima Mihemed a 38 salî piştî ku pembo hat berhevkirin, niha tevî 8 zarokên xwe dest bi komkirina qirşan kiriye da zanîn ku qirş alternatîfa nepeydakirina mazotê ye her wiha ji bo çêkirina nanê tenûrê û xwarina li ser agir wan bi kar tînin.

11:34

Sawsan Bel-Şêx, dibêje ku wan hewl daye bi riyên sade û bi ramanek ku di warê aborî de ne biha ye, jinan perwerde bikin, nemaze ku cihekî wan ê guncaw ji bo vê yekê hebe û wiha behs dike: "Ji ber vê me ew amade kir û danî ber destên mamosteyên xwedî ezmûn da ku di warê girêdayî pîşesaziyên kevneşopî de wan perwerde bikin.”

08:38

Jinên ku li Semsûrê hinaran diçînin debara xwe bi firotina ava wan dikin. Jinên karker diyar dikin ku ji ber ziwabûnê berhemadarî îsal kêm bûye loma jî bi qasî ku difikirîn bi dest nexistine û diyar kirin ku dahata wan a îsal pir kêm bûye.

10:37

Di rapora ku DÎSK-AR’ê amade kir de diyar bû ku hejmara kesên bêkar 7,9 milyon e û bêkariya jinan ji sedî 29,7 e.

11:53

Dema dibe werza Peyîzê jinên herêma Hewreman zend û bendên xwe hildidin û li gel mêran Hinaran kom dikin. Paşê jî sirkeya organîk a hinaran amade dikin.

08:41

Elîf Elî ku ji temenê 17 salî ve karê destan dike behsa karê xwe kir û wiha got: "Ez heyanî niha cilê rîs, xêzê nexşeyên tentene, qenewîç û derdora şerpan bi morîkan çêdikim. Ez bi hêvî me jinên ciwan xwedî li çanda xwe derkevin. Ez weke jinek kurd heya ku dijîm nahêlim çanda min were jibîrkirin. Ez ê her dem hewl bidim vî karî bikim."

07:53

Helîm Bilêl a ji navçeya Qinê ya Rojavayê Kobanê ye, behsa çandiniyê dike û dibêje ku jin afrînerên jiyanê ne, bi keda destên jinan hemû cureyên çandiyê bi bereket dibin lewre ew ji çandiyê fêm dikin û li gorî wê dixebitin.

08:41

Jinên karker li gorî mêrên karker ji aliyê neyînî ve ji pandemiya koranayê zêdetir bi bandor bûn. Di pêvajoya pandemiyê de dema xebatê ya jinan kêm bû ji sedî 42 ji mûçeyê wan hat birîn, li gorî yê mêran awayê xebata wan zêdetir guherî. Jin keda bê mûçe ya ji sedî 75 didin, ji rûyê karên xwedîkirina zarokan û wekî din ve neçar dimînin ku saeten xwe yên xebatê kêm bikin an jî bi tevahî dest ji kar berdidin. Ji Meclisa Tendirustiya Karkeran û Ewlehiya Kar Pinar Abdal, diyar kir ku berpirsyariyên nava malê dibin sedem ku jin nexebitin û got: “11 milyon jin ji rûyê karên ku li malê dikin û xwedîkirina zarokan û kesên din, nikarin di bazara kar de bixebitin.”

09:27

Li gorî daxuyaniya HPC’ê li Mexribê ji sedî 16,5 jin bêkarin. Li gorî raporê di navbera zayendan de jî rêjeya bêkariyê bi vî awayî ye; rêjeya bêkariya mêran ji sedî 10,4, ya jinan jî ji sedî 16,5 e.

07:56

Sacîda Silêman di ciwantiya xwe de siwareke Hespên Esîl bû û niha bi qasî 30 Hespên Esîl xwedî dike der barê hezkirina xwe ya ji hespan re dibêje: “Ez bi xwe siwareke hespan bûm riyên dûvedirêj li ser pişta hespan min derbas dikirin. Bi qasî hezkirina min ji zarokên min re ez wisa hezkirinê didim hespên Esîl. Xwedîkirina hespên Esîl reseniya çanda me ya Ereb pênase dike.”

10:04

Li payîxta Yemenê Adenê saziya Humim peyîwira perwerdekirina jinên Yemenê û derfetên kar ji wan re peyîdakirinê girtiye ser milê xwe. Herî dawî 15 jinên dibiniya saziyê de perwerda dirunê didîtin 3’ê Mijdarê belgeyên xwe girtin ji bo bên peyîwirdarkirin û têkevin nava kar amadekarî tên kirin.