ROŞÊL CANYOR 

Suweyda – Piştî komkujiyên Tîrmeha 2025’an, li bajarê Suweyda yê Sûriyeyê guhertinên civakî yên berbiçav çêbûn. Ev guhertin, di gelek warên jiyana giştî de dîtbarî bûn û yek ji pêşketinên herî girîng zêdebûna rola jinan a di rêveberiya herêmî û xebata civakî de bû. Beşdariya jin a di encumenên herêmî û komîteyên taxan de gihîşt astên bêhempa û li hinek deveran ji nîvê zêdetir endaman ji jinan pêk tê.

Yek ji sedemên sereke ya vê zêdebûna berbiçav ew e ku hejmarek zêde ya ciwan erka parastina Suweydayê û derdora wê girtine ser xwe. Ev rewş bû sedem ku jin di nava civaka herêmî de berpirsyariyeke mezintir bigrin, di xizmet, alîkariya mirovî û xebata rêxistinî de roleke çalak bilîzin. Têkariya jinan, têgihîştina hevkariya civakî û hevgirtinê xurt kir û kapasîteya wan a rêveberiya însiyatîfên herêmî û beşdarbûna pêvajoyên biryargirtinê ya di demên qeyranê de danî holê.

Di komîteyên taxan de nûnertiya jinan

Parêzer Rîm El-Muheysawî ya di komîteyên taxan ên Suweydayê de cih digre, diyar kir ku şert û mercên awarte yên li bajêr, neçar kiriye ku jin di qadên cuda yên jiyana civakî de roleke çalaktir bigrin. Reem el-Muheythawî, da zanîn ku ev rol êdî ne hilbijartinek an îmtiyazek e, pêdiviyeke ku li gorî mercên demê xwe ferz kiriye.

Rîm El-Muheysawî ,diyar kir ku di demên dawî de di komîteyên taxan de pêvajoyên nûkirin û ji nû ve avakirinê pêk hatine û vê yekê rê daye jinan ku di xebatên qadî û mekanîzmayên biryardayînê de cihekî mezintir bigrin. Reem el-Muheythawî, destnîşan kir ku rêjeya nûnertiya jinan li gorî salên berê bi awayekî diyarker zêde bûye.

‘Nûnertiya jinan li gorî salên berê pir zêde bûye’

Rîm El-Muheysawî, da zanîn ku di komîteyên taxan de pêvajoyên nûjenkirin û ji nû ve avakirinê çêbûne û wiha axivî: “Ev yek bû sedem ku jin roleke mezintir di xebatên meydanî û mekanîzmayên biryardayînê de bilîzin. Nûnertiya jinan li gorî salên berê pir zêde bûye. Jin di serdemên berê de hem li ser asta taxê û hem jî di nava civaka herêmî de di qada giştî de bi awayekî têrker nedihatin temsîlkirin. Lê belê di pevajoya dawî de bi awayekî zelal jêhatîbûna xwe di rêveberî, plansazkirin, pêkanîn û destpêkirina projeyên nû de nîşan didin. Di demeke ku gelek ciwanan berpirsiyariya misogerkirina ewlehiya bajar û derdorê girtine ser xwe de, jin rasterast di rêveberiya taxan, organîzekirina xizmet û alîkariya mirovî de erk digrin.”

Zehmetiyên destpêkê û çêbûna baweriya civakê

Rîm El-Muheysawî, diyar kir ku ew di qada kar dike de erka koordînasyona îdarî ya tîmek xizmetê pêk tîne û di qonaxên destpêkê yên xebata tîmê de, li ser kalîteya xebata wan de di civakê de guman hebûn bi dest bixin.

Rîm El-Muheysawî, axaftina xwe wiha domand: “Endamên tîmê di bin çavdêriya domdar a civakê de dixebitin û encamên ku di qadê de hatin bidestxistin têkarî ji bo guhertina têgihîştina berfireh a jinan kir û bi demê re ev guman ji holê rabûn. Her wiha ekîb piştî hewldanên takekesî yên sînorkirî, ji nîvê Sibata sala borî ve bi rengekî plan dest bi pêkanîna xebata xwe kir. Girîngî hat dayîn ku xwe bigihîjînin kal û pîran û alîkarî bidin kesên ku pirsgirêkên tevgerkirinê hene. Xebatkaran hewl dan di serdanên malan de pêdiviyan tesbît bikin, dabînkirina derman û pêdiviyên bijîşkî mîsoger bikin û nexweşên ku li malê tên dermankirin bişopînin. Heft hemşîreyên dilxwaz jî xizmetên lênêrîna tenduristiyê ya malê dan.”

‘Piştgiriya derûnî û civakî jî beşek ji destwerdanê ye’

Rîm El-Muheysawî, di berdewamiya axaftina xwe de destnîşan kir xebatên heyî tenê bi tenduristiyê ve sînordar nebûn û got: “Di tîmê de pisporên ji warên psîkolojî û civakî jî cih girtin û nirxandinên pêdiviyan hatin kirin. Bi vî me xwe gihîştand kesên temenê wan mezin û bêparastin, me bi saziyên têkildar re têkilî danî.” Reem el-Muheythawî got ku hewildana bi awayê biçûk dest pê kir, bi demê re piştgiriyeke berfireh bi dest xistiye, di vê pêvajoyê de beşdariya herî mezin ji jinên taxê hatiye û wiha got: “Jinan fona hevgirtina civakî ava kirin. Ev fon ji bo piştgiriya xebatên tenduristî û xizmetê bi derfetên sînorkirî û ji bo dabînkirina hinek hewcedariyên mirovî tê bikaranîn.”

‘Tê armanckirin ku di nava taxê de navendek bê avakirin’

Rîm El-Muheysawî, diyar kir ku tîm plan dike li taxê navendeke tenduristiyê ava bike û gihîştina xizmetên tenduristiyê yên bingehîn hêsan bike. Reem el-Muheythawî, da zanîn ku ji bo xwendekar, jin û cotkaran projeyên piştgiriya derûnî tên amadekirin û ev xebat hê jî di qonaxa plansaziyê de ne.

Her wiha destnîşan kir ku yek ji destkeftiyên girîng ên vê dawiyê hatiye bidestxistin xurtkirina ragihandin û hevrêziya di navbera komîteyên taxê, tîmên herêmî û kesên bi bandor ên di civakê de ye. Reem el-Muheythawî, wiha got: “Bi saya civînên berfireh, ezmûn hatin parvekirin û hewldanên berdewam hatin danasin. Her wiha lêkolîn û projeyên ku berê zêde nedihatin zanîn, hatin danasîn. Ev yek jî bû sedem bû xebat baştir bên koordînekirin û girîngî bidin hewcedariyên pêwîst.”

‘Hevgirtina civakî bingeha xebatên herêmî pêk îne’

Rîm El-Muheysawî, diyar kir ku koordînasyona di navbera saziyan de gihîştina tenduristî û xizmetên din ji bo gel hêsan kiriye, hinek xizmet bi lêçûneke kêm an bêpere dihatin pêşkêşkirin. Reem el-Muheythawî, destnîşan kir ku hevkariyê hevgirtina civakî xurt kiriye, piştgirî da malbatên di tengasiya darayî de û modela hevgirtinê li Suweydayê derxist pêş.

Rîm El-Muheysawî ,bi van gotinan dawî li axaftina xwe anî: “Rola jinan di komîteyên taxan û hewldanên herêmî de ne tenê bersiveke demkî ye. Ev ezmûn bi zelalî jêhatîbûna jinan a di girtina berpirsiyariyê, beşdarbûna bi bandor a di rêveberiya karûbarên giştî de û xizmeta ji bo civakê nîşan dide.”