سۆرگوڵ شێخۆ

 

تل تەمر- لە کاتێکدا کە ڕێککەوتنی نێوان قەسەدەو دیمەشق وردە وردە لە ڕۆژئاوای کوردستان جێبەجێ دەکرێت، زۆر پرسیار لە مێشکی ئەو ژنانەدا سەرهەڵدەدەن کە پێشەنگایەتی شۆڕشیان کردووە و بەدوای وەڵامدا دەگەڕێن.

 

ئەو ژنانەی نیگەرانن لەم پرسیارانە قسەیان بۆ دەزگاکەمان کردو بە ڕوونی داواکارییەکانیان دەربڕی.

 

سەما محەمەد ئاماژەی بەوەکرد، ئەوەی لە یەکگرتنەوە لە نێوان قەسەدە و دیمەشقدا نیگەرانیان دەکات، پشتگوێخستنی ڕۆڵی ژنانەو وتی: ژنان لە سیستمی خۆبەڕێوەبەریدا تەنانەت لە بچووکترین کۆمۆنیشدا، بە ڕۆڵێکی تاکڕەوانە سەریان هەڵداوە، بوونی ژنان لە هەموو بوارەکانی ژیاندا گرنگە، لە کایەی کۆمەڵایەتییەوە تا دەگاتە سەربازی و بوارەکانی دیکە، بەڵام ئەوەی ئێمە نیگەران دەکات ئەوەیە داننان و قبوڵنەکردنی ڕۆڵی ژنان و مافەکانیان لەلایەن حکومەتی کاتییەوە.

 

چۆن سووریایەکی نوێ بونیاد دەنێت و بەهارێکی نوێی تێدا شین دەبێت!

سەما محەمەد ئەو گۆڕانکارییانەی لە سووریا ڕوودەدەن بە دانپێدانانی ماف و ئیرادەی ژنان لەلایەن حکومەتی کاتییەوە خستەڕوو: ژنان لە سووریا ڕۆڵێکی کارا و دەسەڵاتداریان دەبێت لە هەموو بوارێکدا، بەڵام بەو مەرجەی دان بە ماف و بونیاندا بنرێت، ئەوکات سووریایەکی نوێ و مۆدێرن دەبینین و بە دەستەبەرکردنی مافەکانی ژنان لە دەستووردا بەهارێکی نوێ لە سووریا شین دەبێت، دواتر کۆمەڵگەیەکی شارستانی جوان بونیاد دەنێت.

 

ئەو گۆڕانکاریانەی لەگەڵ شۆڕشدا ڕوویاندا، پێویستە بە داننان بە مافەکان لە دەستووردا زامن بکرێن، سەما محەمەد قۆناغی پێش خۆبەڕێوەبەری بەبیرهێنایەوەو وتی: لە سەردەمی ڕژێمی بەعسدا ژنان لەبیر دەکران و بوونیان ڕەتدەکرایەوە، ژنان بێدەنگ و بێ ڕۆڵ و بێسۆز بوون، بەڵام لە ماوەی ١٤ ساڵی شۆڕشی ڕۆژئاوادا ئەم تێڕوانین و هۆشیارییە لە بنەڕەتدا گۆڕانی بەسەردا هاتووەو لەگەڵیان دەژین، هەروەها ڕێز لە بوون و بڕیارەکانیان دەگرن، بۆیە داننان بە مافەکانی ژنان، تێڕوانینی پیاوانی عەرەب، عەلەوی و دروز بەرامبەر بە ژنان دەگۆڕێت و سووریایەکی پێشکەوتوو و دادەمەزرێت.

 

داواکارییەکان چین؟

سەما محەمەد ئاماژەی بەوەشکرد، بەداخەوە بەهاو بەهای ژنان لە سووریا نازاندرێت و لە کۆتایی قسەکانیدا وتی: دەڵێن ژن نیوەی کۆمەڵگەیە، بەڵام بە بۆچوونی من ژن خودی کۆمەڵگەیە، ئەوەی ئێمە لە حکومەتی کاتی دەمانەوێت، دان بە مافەکانی ژنان لە دەستووردا بنێین، چونکە ژنان هیوای سبەینێیەکی گەشاوەن بۆ وڵات.

 

"نەناسینی یەپەژە نایاسایی و بێ ویژدانییە"

میلیا مانۆ، کە لە نزیکەوە بەدواداچوون بۆ دانوستانەکانی نێوان قەسەدە و دیمەشق دەکات و نیگەرانە لە نەبوونی دۆسیەی ژنان، وتی: وەک ژنانی عەرەب، نەبوونی دۆسیەی ژنان لەسەر مێزی دانوستان زۆر نیگەرانمان دەکات، یەپەژە گەورەترین ڕێکخراوی تیرۆریستی داعشی تێکشکاند، لەکاتێکدا کە دەوڵەتان نەیانتوانی لەسەر زەوی شەڕیان لەگەڵدا بکەن، یەپەژە شەڕی کرد و ناوچەکەی ڕزگار کرد، بەڵام ئێستا دوای ئەو هەموو قوربانیدان و خۆبەخشییە، بۆچی دان بە دەسەڵاتی یەپەژەدا نادرێت؟ ئەمە نایاسایی و بێ ویژدانییە.

 

"حکومەتێک دان بە یەپەژەدا نەنێت دژی دیموکراسی و یەکسانییە"

میلیا مانۆ ئاماژەی بەوەشکرد، حکومەتێک کە دان بە بوونی هێزێکی ژنانی وەک یەپەژەدا نەنێت دژی دیموکراسی و دادپەروەری و یەکسانییە و لە درێژەی قسەکانیدا وتی: بەبۆچوونی من ئەمە هۆکارێکە بۆ ئەوەی ژن نەناسرێت، بەڵام ئێمە لە نزیکەوە بەدواداچوون بۆ هەموو هەنگاوێک دەکەین کە لە یەکگرتنەوە دێتە دەرەوە، بەڵام تا ئێستا دیار نییە چارەنووسی ژنانمان چی دەبێت.

 

"ڕۆژئاوا کلیلی ئازادی و یەکسانی ژنانە"

میلیا مانۆ جەختی لەوە کردەوە کە کلیلی ئازادی و یەکسانی و دادپەروەری بۆ ژنان لە سەرتاسەری سووریا لە ڕۆژئاوایە و وتی: ئەگەر حکومەت دان بەم شتەدا نەنێت، ئەوا ئازادی و یەکسانی و دادپەروەری لە سووریا بە گشتی بەدی نایەت و ژنانیش ئازادی خۆیان ناژین و هەمیشە بەدوایدا دەگەڕێن. ڕۆژئاوا نموونەیە، پێویستە چاو لە ئەزموونی ژنان دابخەن و سوود لە سیستمی دامەزراو وەربگرن. بۆیە پێویستە دان بە ئیرادەی ژنان و مافەکانیاندا بنرێت، بۆ ئەوەی ئەو ژنانەی ڕووبەڕووی پێشێلکاری و تاوان دەبنەوە بتوانن بەرگری لە خۆیان بکەن.

 

پەیامێک بۆ ژنان لە ڕۆژئاواو سووریا

میلیە مانۆ ئاماژەی بەوەشکرد، پێویستە ژنان لە ڕۆژئاوا سیستمی بیناسازی بپارێزن و داوای لە ژنانی سووریا کرد هەستن و دەست بە خەبات بکەن، نەک بوونی خۆیان ڕادەستی ئەو حکومەتە بکەن کە یاری بە چارەنوسیان دەکات وتی: ئێمە ١٤ ساڵ لە کارکردن ڕاناگرین و ئەو شۆڕشە دەپارێزین کە لە پێناویدا گیانمان بەخت کردو ڕێکخراوەکەمان دامەزراند مافی خۆمان نییە و وەک خەنجەرێک لە قوڕگی ئەو کەسانەدا دەمێنێتەوە کە ژنانی کوردو عەرەبیان بێڕێزی کردووە، دەبێت هەستن و خۆیان ڕێکبخەن و دەست بە خەبات بکەن چونکە هیچ چارەسەرێکی دیکە نییە، یان دەیناسن یان دەیناسن.