ناوەندی هەواڵ

 

هێرشەکان بۆ سەر باکوورو ڕۆژهەڵاتی سووریا تادێت کاردانەوەی لێدەکەوێتەوە. خەڵکێکی زۆر بۆ پاڵپشتی ڕوو لە ڕۆژئاوا دەکەن و هەوڵ دەدەن بە جۆرێک لە جۆرەکان پشتیوانی پێشکەش بکەن.

 

مانۆن کیرۆل،ڕۆژنامەنووسی فەرەنسی کە لە ڕۆژنامەی پاریس ماچ مەگەزین کاردەکات و هاتۆتە باکوورو ڕۆژهەڵاتی سووریاو لەگەڵ شەڕڤانانە. هەروەها کۆبوونەوەی لەگەڵ ڕۆژنامەنووسانی ناوچەکە و لەگەڵ خەڵکدا هەبووە، خەریکی ئامادەکردنی دۆسیەیەکە.

 

ئەو ڕۆژنامەنووسە فەرەنسییە بە دەوڵەتە دووڕووەکان دەڵێت: چۆن بەرخۆدانی ئەم ژنانە و ئەم گەنجانەتان لەبیر کرد، کە ساڵانێک لێرە شەڕیان کرد و داعشیان تێکشکاند، ئەمە چ دووڕووییەکە؟