ئامارا ڕۆژهەڵات: ژن، ژیان، ئازادی بە بیرو فەلسەفەی ڕێبەر ئاپۆ پەرەی سەند
ئامارا ڕۆژهەڵات، ئەندامی فەرماندەیی هێزەکانی پاراستنی ژنانی ڕۆژهەڵاتی کوردستان "هەپەژە" ڕایگەیاند، شۆڕشی ژن، ژیان، ئازادی بە پێشەنگایەتی ژنانی کورد و ئێرانی، بووە تەڤگەرێکی جیهانی، سیمبولی ئازادی بۆ ژنان و خۆئاگابوون، پاراستن و ڕێکخستن.
چەکین دەمهات
ناوەندی هەواڵ-ئامارا ڕۆژهەڵات، ئەندامی فەرماندەیی هێزەکانی پاراستنی ژنانی ڕۆژهەڵاتی کوردستان "هەپەژە" بە بۆنەی چوارەمین ساڵیادی ”ژن، ژیان، ئازادی”یەوە قسەی بۆ ئاژانسەکەمان کرد.
ئامارا ڕۆژهەڵات ڕایگەیاند، لە یادی چورەمین ساڵەی شۆڕشدا، هەموو شەهیدانی شۆڕشی ”ژن، ژیان، ئازادی” لە کەسایەتی ژنینا ئەمینی یاد دەکەینەوە و وتی: ئەمڕۆ دەبینین دروشمی ”ژن، ژیان، ئازادی” بۆ ئەو چوار ساڵە لەبەرچاو گیراوە، بەڵام ئەو دروشمە بە هزر و فەلسەفەی ڕێبەر ئاپۆ هاتە دەرەوە، دەتوانین بڵێین ئەم دروشمە لە ژێر سەرکردایەتی بونیارنەرانەی ئازادی ڕێبەر ئاپۆ بۆ تەواوی بوونی ژن هات، ئەم دروشمە بە سەرکردایەتی ژنانی کورد و ئێرانی بوو بە جیهانی. بوو بە سیمبولێک بۆ ئەوەی هەموو ژنان خۆیان لەگەڵیدا بناسێنن و خۆیان بپارێزن و ڕێکخراوی تایبەت بە خۆیان دروست بکەن، وەک هێزەکانی پاراستنی ژنانی ڕۆژهەڵاتی کوردستان (هەپەژە)، ئەو چالاکییەی ئەمڕۆ ئەنجامی دەدەین، بە تایبەتی بۆ هەموو هاوڕێ شەهیدەکانمان و ئەو کەسانەیە کە لە پێناو شۆڕشی ”ژن، ژیان ،ئازادی”دا خەباتیان کردووە، جارێکی تر بەڵێن دەدەین کە هەموو ژنانی ئازادیخواز لە هێڵی ژنانی ئازاددا دەڕۆن، ئێمە لە هەموو ڕوویەکەوە لە پشتیانەوەین.
”ئێمە لەگەڵ هەموو ئەو کەسانەداین کە خەبات بۆ ماف و ئازادی دەکەن”
ئامارا ڕۆژهەڵات ڕایگەیاند، کە دەیان هاوڕێیان لە ئێستادا لە زینداندان و بەرەنگاری فشار و توندوتیژیی ڕژێمی ئێران دەبنەوە، وەک بەرگریکاران دەیانەوێت لە هەموو ڕوویەکەوە وەڵامی داخوازی و خەباتەکانیان بدەنەوە وتی: لەگەڵ هەموو ئەو کەسانەداین کە خەبات بۆ ماف و دادپەروەری و ناسنامە و ئازادی دەکەین و پێکەوە ژیانێکی کۆمەڵایەتی و ئازاد بونیاد دەنێین، هەروەک چۆن دروشمی ”ژن، ژیان، ئازادی” سنوورەکانی کوردستانی بەزاند و بوو بە دروشمێکی جیهانی، ئێمەش ئەم ژیانە کۆمەڵایەتی و ئازادە دەکەینە جیهانی و جێبەجێی دەکەین، بەتایبەت بە ڕێبەرایەتی ژنانی نەتەوە جیاوازەکانی ئێران جێبەجێ دەکرێت، پێکەوە ژیانێکی ئازاد و کۆمەڵایەتی بەڕێوە دەبەین.
”ژن پێشەنگایەتی ئازادی ژن و کۆمەڵگە دەکات”
ئامارا ڕۆژهیڵات ئاماژەی بەوەدا، کە ڕێپێوانی ژنان بۆ لوتکەی شاخەکان، بە سەربازیکردنی ژنان هێنایە ئاراوە، وتی: ئەمە سەرکەوتنێکە بۆ ئەو ژنانەی کە ئەو توندوتیژی و چەوساندنەوەیان ڕەتکردووەتەوە کە بەرامبەریان ئەنجامدەدرا، هەر ژنێک کە دەچووە لوتکەی ئەو شاخانە بەڵێنیدا بۆ ماف و ناسنامەی ژنانی ئازاد بوەستێت، بەتایبەت لە کەسایەتی ژندا، بۆ ئەوەی بتوانێت کۆمەڵگەیەکی یەکسان و کۆمەڵایەتی بونیاد بنێت، چونکە ئەوە ژنانن زۆرترین کار دەکەن و شایستەی زۆرترین ماف و ناسنامەی ئازادن، هەر لەبەر ئەم هۆکارەش دەبینین ژنان لە هەموو شوێنێک سەرکردایەتی ئازادی ژنان و کۆمەڵگە دەکەن، هەر لەبەر ئەم هۆکارە، وەک هێزەکانی پاراستنی ژنانی ڕۆژهەڵاتی کوردستان (هەپەژە)، بەڵێنی ئێمەیە کە تا کۆتایی لە پێناو مافەکانی ژناندا بوەستینەوە، پێویستە هەموو ژنێک لە هەر شوێنێک کە لە توانایدا بێت خۆی ڕێکبخات و لە پێناو مافەکانی خۆیدا بوەستێت، ڕەنگە ڕێگا و ئامرازەکانی وەستانەوە بۆ خۆی و شوناسەکەی جیاواز بن، بەڵام پێویستە هەمیشە خەباتمان بەهێزتر بکەین، ئێمە ئەو بەهایە دەپارێزین کە بە خەبات و زەحمەتکێشانی ژنان بونیاد نراوە.
”ژنان هەرگیز تووشی نادادپەروەری و توندوتیژی و ستەم نابن”
ئامارا ڕۆژهەڵات سەرنجی بۆ یەکگرتوویی ژنان ڕاکێشا و ڕوونیکردەوە، کە هێزە سەربازییەکان بەتەنها بەس نین بۆ پاراستنی ژنان، پێویستە هەموو ژنان یەکگرتوویی خۆیان بونیاد بنێن و دەستی یەکبگرن بۆ ئەوەی خەباتێکی بەهێز لەدژی سیستمی ئێستا بکەن و وتی: ژنان هەرگیز تووشی نادادپەروەری و توندوتیژی و چەوساندنەوە نابن، دژایەتی هەژموونی ناکەن، هەمیشە خۆیان بە بەرپرسیار دەزانن لە بەرامبەر مافی کەسانی دیکەدا، وەک هێزی سەربازی، بەتایبەتی بەرزڕاگرتنی ”ژن، ژیان، ئازادی” و خۆڕێکخستن ئەرکی سەرەکیمانە، بە تایبەتی، بەرزڕاگرتنی ئەو سەختی و بەهایانەی کە شەهیدانی ”ژن، ژیان، ئازادی” لە ڕۆژهەڵاتی کوردستان و ئێران داویانە، ئەرکی سەرەکیمانە، زۆرێک لە گەنجانی کورد لە شۆڕشەکەیانی ”ژن، ژیان، ئازادی”دا بێ دوودڵی گیانیان بەخت کرد، ئەمەش ئاماژەیە بۆ چی؟ نەک تەنها ژنان بۆ حیجاب ڕژانە سەر شەقامەکان. ئەم شۆڕشە بۆ نایەکسانی نێوان نەتەوەی و ژن و پیاو بوو.
”کۆمەڵگەی ئێران دەبێ لە پێناو بەهاکانی شۆڕشدا بوەستێ”
ئامارا ڕۆژهەڵات ڕایگەیاند، لەم قۆناغەدا دوای چوار ساڵ لە شۆڕشی ”ژن، ژیان، ئازادی” و ئەو شەڕەی کە ئەمڕۆ لە ئێران بەڕێوەدەچێت، جارێکی دیکە ژنان و کۆمەڵگە زۆرترین زیانیان بەرکەوتووە، وەک ژنانی ڕۆژهەڵاتی کوردستان و ئێران پێویستە ڕێکخستن وەک بنەمایەک وەربگرین و بتوانن لە هەموو ڕوویەکەوە خۆیان ڕێکبخەن و لە کۆتایی قسەکانیدا وتی: کۆمەڵگەی ئێران دەبێ لە پێناو ئەو بەهایانە بوەستێت کە دامەزراون، بۆ ئەمەش پێویستە ژنان و کۆمەڵگە خۆیان ڕێکبخەن بۆ ئەوەی بتوانن لە پێناو شۆڕشەکەیاندا بوەستن، بانگەوازی من بۆ هەموو ژنان ئەوەیە کە بتوانن بەهاکانی ئێستا بپارێزن و لە هەموو ڕوویەکەوە بۆ خۆیان بوەستنەوە، گرنگ نییە ئامراز و شێوازەکان چی بن.