زەئنەب خەڵیف

 

دێرەزوور- کۆمیتەی شارەوانی دێرەزوور لە باکوور و ڕۆژهەڵاتی سووریا، هەوڵی باشترکردنی دۆخی ئابووری و کۆمەڵایەتی ژنان و بەهێزکردنی ڕۆڵیان لە بڕیاردان و کۆمەڵگە لە ڕێگەی پرۆژە دەدات.

 

حەبا ئەلزاری، هاوسەرۆکی یەکێتی شارەوانییەکانی کانتۆنی دێرەزوور، ئاماژەی بەوەکرد، هەوڵی بەهێزکردنی ژنان دەدەن لە باکوور و ڕۆژهەڵاتی سووریا، هەر بەو هۆیەشەوە سیستمی هاوسەرۆکی نموونەیەکی باشە لەم بابەتەدا، و وتی: سەرکەوتنی زۆری بەدەستهێناوە، ئەم هەڵبژاردنە بۆ پشتیوانی ژنان لە پرۆسەکانی بڕیاردان گرنگە، کۆمیتەی شارەوانی دێرزوور ئامانجی جێبەجێکردنی پڕۆژەی گەشەپێدانە سەبارەت بە پێشکەوتنی کۆمەڵایەتی و ئابووری ژنان.

 

"کۆمیتەی شارەوانی ژنان بەهێز دەکات"

حەبا ئەلزاری ئاماژەی بەوەکرد، بەهێزکردنی ژنان تەنیا ئامانج نییە، بەڵکو پێویستییەکیشە بۆ بەردەوامیی گەشەپێدان و وتی: کۆمیتەی شارەوانی پڕۆژەکانی بۆ پاڵپشتیکردنی ژنان و ناساندنی پلانەکانی داهاتووی خۆی ئەنجام دەدات، ئەم پڕۆژەیە بە هەنگاوێکی گرنگ دادەنرێت بۆ بەهێزکردنی پێگەی ژنان لە شارەوانییەکان و بە واتای بەهێزکردنی سیاسی و ئیداری ژنانە، ئەم سەرکەوتنە دەرفەتێکە بۆ بەشداریکردنی ژنان لە بڕیاردان.

 

پڕۆژەی پاڵپشتی ژنان و پلانەکانی داهاتوو

حەبا ئەلزاری ئاماژەی بەوەشکرد، ئەو پڕۆژانەی پێشکەشکراون بۆ پاڵپشتی و بەهێزکردنی ژنان بریتین لە حکومەتە بچووکەکان کە هەلی کار بۆ ژنان دەڕەخسێنن و وتی: ئامانجی ئەم پڕۆژەیە پاڵپشتی ئابووری ناوخۆیی و دابینکردنی هەلی کارە بۆ بونیادنانی ژنان، بە پاڵپشتی پڕۆژەی بچوک ژنان دەتوانن ئابوری سەربەخۆی خۆیان بەدیبهێنن، ئەم سەربەخۆییە بەشێوەیەکی ئەرێنی لە کۆمەڵگەدا بە گشتی بیندرا، پاڵپشتی دارایی و تەکنیکی پێشکەش بە هەموو ژنانی خوێندەوار و نەخوێندەوار دەکات بۆ بەهێزکردنی ڕۆڵی کۆمەڵایەتی و زانستی و پیشەیی خۆیان.

 

ئامانجەکانی داهاتوو

حەبا ئەلزاری ئەوەشیخستەڕوو، کۆمیتەی خزمەتگوزاری و شارەوانی دێرەزوور لە ڕێگەی پڕۆژەوە هەلی کار بۆ ژنان دەڕەخسێنێت و وتیشی: لەماوەی چوار ساڵی ڕابردوودا پێشکەوتنی بەرچاو لە ڕووی ڕۆڵی ژنانەوە بەدیهاتووە و ئەو پێشهاتانەش توانیویانە هەلی کار بۆ ژنان بڕەخسێنن،  گۆڕانکارییەکی بەرچاوی دروست کرد، ڕۆڵی ژنان لە کۆمەڵگەدا کاریگەرە.

 

پەیامێک بۆ ژنانی کرێکار و تێکۆشەر

حەبا ئەلزاری بانگەوازی بۆ ژنان کرد و وتی: ڕۆڵی ژنان تەنها لە دامەزراوەکاندا سنووردار نییە، ژنان لە ماڵەوەش ڕۆڵیان هەیە، بەڕێوەبردنی سەرکەوتوو فریشتەیە، یەکێک لە شێوازە گرنگەکان ئەوەیە کە ئەگەر ژن لە ماڵەوە سەرکەوتن بەدەستبهێنێت، ئەوا لە دامودەزگاکانیشدا سەرکەوتن بەدەستدەهێنێت، بەهێزکردنی پڕۆژەکانی ژنان یەکێکە لە ئامانجە سەرەکییەکانی کۆمیتەی شارەوانی دێرەزوور، سیستمی هاوسەرۆکایەتی لە هەموو شارەوانییەکدا سوودی بۆ ئەم ئامانجە دەبێت، هەوڵدان بۆ زیادکردنی ژنان و ڕۆڵی ژنان لە کۆمەڵگادا بۆ بونیادنانی کۆمەڵگەیەکی پێشکەوتوو گرنگە، بە پاڵپشتی ژنان کۆمەڵگەیەکی پێشکەوتوو بونیاد دەنرێت.