سلێمانی

 

بەڕێوەبەرایەتی بەرەنگاربوونەوەی توندوتیژی دژی ژنان و خێزانی هەرێمی کوردستان ئاماری کۆی ساڵی ٢٠٢١ توندوتیژییەکانی بڵاوکردووەتەوە.

 

بەپێی ئامارەکە، لە کۆی ساڵی ٢٠٢١دا ١٣ هەزار و ٥٨٤ توندوتیژی تۆمارکراوە، کە ٢٤ کوشتن، ٦٢ خۆکوشتن، ٨٦ خۆسوتان، ١٥٣ دەستدرێژی سێکسی، ١٣ هەزار و ٢٥٩ سکاڵا تۆمارکراوە.

 

لە کاتێکدا لە ساڵی ٢٠٢٠دا ١٠ هەزار و ٦٢٥ توندوتیژی بووە، کە ٢٥ کوشتن، ٣٨ خۆکوشتن، ٦٧ خۆسوتان، ١٢٥ دەستدرێژی سێکسی، ١٠ هەزار و ٣٧٠ سکاڵا تۆمارکردن بووە.

 

ئەم ئامارانە دەریدەخەن، توندوتیژییەکان لە ساڵی ٢٠٢١دا بەراورد بە ٢٠٢٠ بە ڕێژەی ٪٢١.٧ زیادی کردووە.

                           

لە ساڵی ٢٠٢١دا کۆی گشتی ١٢ هەزار و ٣٦٩ پەیوەندی بە هێڵی گەرمەوە کراوە، لە هەولێر پێنج هەزار و ٣٦٢، لە سلێمانی چوار هەزار و ٦٤٨، لە دهۆک دوو هەزار و ٣٥٩ پەیوەندی کراوە.

 

ت.پ