شنگال

 

ڕێبەری گەلی کورد عەبدوڵا ئۆجالان پەیامێکی نوێی ئاراستەی کۆمەڵگەی ئێزدی کرد. پەیامەکەی ڕێبەر ئۆجالان لە باخچەی سەرۆک ئاپۆ لە دۆڵی قەرس بە پیشنەگایەتی تەڤگەری ئازادی ژنانی ئێزدی "تاژێ" و خۆبەڕێوەبەری شەنگال بۆ ڕای گشتی خوێندرایەوە.

 

دوای خوێندنەوەی نامەکە، کە ساتەکانی سۆزداری لەناو گەلدا دروستکرد، سوهام شەنگالی، ئەندامی دیپلۆماسی تەڤگەری ئازادی ژنانی ئێزدی "تاژێ" بە ناوی ژنان و گەلی ئێزدی لێدوانێکی داو ئەو نامەیەی ڕێبەر ئۆجالان وەک بەشێک لە ژنان و گەنجان و کەسانی بەرەمەن و پیاوانی ئایینی شنگال ناردبووی خوێندەوەو وتی: وەک هەمیشە لە نامەکەی ڕێبەر ئاپۆدا هیوا و هەست و دڵسۆزی و خەمخۆری بۆ کۆمەڵگاکەمان بینی، لەگەڵ ناسینی و فێربوونمان لە فەلسەفەی ئازادییەکەی، دڵسۆزی ڕێبەر ئاپۆ بۆ دۆستایەتی مێژوویی و ڕۆحی و فیکری لەگەڵ کۆمەڵگەی ئێزدیمان لە هەموو ڕستەیەکدا لە ڕێگەی ڕۆحمانەوە بڵاوبووەوە و ئەمەمان بینیەوە. بەم نامەیە جارێکی دیکە ئومێد و هێزی پێبەخشیین بۆ ئەوەی جارێکی تر ئازاد بین. لەم نامەیەی ڕێبەر ئاپۆدا، دڵسۆزی ئەو پەیوەندییە ڕۆحییەی کە ئێمە و ڕێبەر ئاپۆ دەبەستێتەوە بیندرا.

 

"ڕێبەر ئێمە تەنها تۆ وەک کەسێک نابینین"

ڕێبەر ئاپۆ لە سەرەتای نامەکەیدا دەڵێت؛ من ئێزدی نیم، بەڵام خەمخۆر و دڵسۆزم بۆ ئەم پێکهاتیە،  ئێمە وەک پێکهاتەی ئێزدی دەڵێین؛ ‘ڕێبەرەکەمان ئێمە وەک کەسێک نابینین، وەک ڕێبەر و مامۆستایەک دەتبینین کە گرنگی بە کۆمەڵگەکەمان دەدات.’ وەک کۆمەڵگەی ئێزدی، ئێمە وەک هەڤاڵێکی دڵسۆزمان تۆمان بینیوە. ئێمە دڵخۆشین و شانازی بە دۆستایەتیتان لەگەڵ باوەڕییەکەمان دەکەین. وەک پێکهاتەی ئێزدی بۆ یەکەمجار بینیمان کە مرۆڤێک گرنگیمان پێدەدات و خەبات بۆ ئازادی کۆمەڵگەکەمان دەکات. لەسەر ئەو بنەمایە، بە پشتبەستن بە فەلسەفەی نەتەوەی دێموکراتیک و پێکەوەژیانی گەلان، هەروەها بۆ خۆبەڕێوەبەری شنگال، خەبات و کار بۆ ئازادی ئێوە و کۆمەڵگەکەمان دەکەین.

 

هەنگاوی ئازادی دوو ساڵە بەردەوامە

وەک گەلی شنگال، کەمپینی ئازادی جەستەیی ڕێبەر ئاپۆ کە دەستمان پێکردووە دوو ساڵە بەردەوامە، لەماوەی ئەم دوو ساڵەدا کۆنفرانس و وۆرکشۆپ و سیمینارمان بۆ بونیادنانی سیستمی نەتەوەی دیموکراتیک و بڵاوکردنەوەی فەلسەفەی ڕێبەر ئاپۆ سازکردووە. لە هەمانکاتدا بەپێی پێویست ڕێپێوان و لێدوان دەدرا، ئەو نامانەی کە ڕێبەر ئاپۆ بۆ کۆمەڵگەکەمانی ناردبوو، لە هەموو گوند و کۆمەڵگەیەکدا خوێندرایەوە، پرۆسەی ئاشتی و کۆمەڵگەی دیموکراتیش لەگەڵ گەلدا باس دەکرا.

 

"دەمانەوێت ڕێبەر ئاپۆ ببینین"

لە کۆتاییدا وەک پێکهاتەی ئێزدی بەڵێن بە ڕێبەر ئاپۆش دەدەین؛ تا کۆتایی خەبات دەکەین بۆ ئازادی جەستەیی تۆ و سەربەخۆیی شنگال و لێپرسینەوەی فەرمان، گەلەکەمان لە فەرمانەکە دەپارێزین. وەک کۆمەڵگەی ئێزدی جارێکی تر بەڵێن دەدەین و دەڵێین؛ ئەگەر ڕێبەر ئاپۆ بێتە شنگال، ئێمە بە جلوبەرگی فۆلکلۆریەوە وەک ڕێبەرێکی کۆمەڵگەکەمان پێشوازی لێدەکەین.

 

ئێمە وەک پێکهاتەی ئێزدی جارێکی تر دووبارەی دەکەینەوە و دەڵێین: ئێمە دەمانەوێت ڕێبەر ئاپۆ ببینین!"