ناوەندی هەواڵ

 

مریەم ئەلرکابی، خوێندکاری پەیمانگای هونەرە جوانەکان، لە ١٠ی حوزەیرانی ٢٠٢١دا لە ماڵەکەی خۆیدا لە شەقامی فەلەستینی شاری بەغدای پایتەختی عێراق لەلایەن کەسێکی دەمامکدارەوە هێرش دەکرێتە سەری و بە تێزاب دەسووتێنرێت و تەلەفونەکەشی دەدزرێت.

 

١٦ی کانوونی یەکەم، ئەنجومەنی باڵای دادوەری عێراق سەبارەت بە هێرشکردنە سەر مریەم ئەلرکابی ئاماژەی بەوەدا کە کەسوکاری مریەم لە بنکەی پۆلیس سکاڵایان لە دژی "ع. ق. و." و هاوڕێکەی بە ناوی "ع. هـ" کردووە، بەپێی فەرمان دەستگیرکراون، بەڵام ئەنجامدانی تاوانەکەیان ڕەتکردووەتەوە، دادوەر ئاماژەی بەوەشدابوو کە بەڵگەکان کۆدەکرێتەوە و ڕەوانەی یەکەی لێکۆڵینەوەی بەڕێوەبەرایەتی تاوانەکانی بەغدا دەکرێت.

 

ئەمڕۆ ٣٠ی ئایار لە دادگای تاوانەکانی رەسافە لە شاری بەغدا، دادگاییکردنی تاوانباران بەڕێوەدەچێت و مریەم ئەلرەکابی داوای کردووە کە پاڵپشتی بن و دەڵێت: "بۆ هاوڕێ و خۆشەویستانم، داوادەکەم پاڵپشتم بن و پشتیوانیم بکەن بۆ داواکردنی سزا بۆ ئەو تاوانبارانەی هۆکاری ئازاردانی ڕۆح و وێرانکردنی ژیانم بوون".