مەدینە مامەدئۆغڵو

 

دەرسیم-فێستیڤاڵی کولتوورو سروشتی مونزور کە بۆ ٢٢-ەمین جار بە دروشمی "ڕێگە نادەین دەست بەسەر سروشت و ئیرادەماندا بگیرێت" بەڕێوەچوو، ئەمڕۆ کۆتایی هات، تێیدا سیمینار و پانێڵ لەسەر پرسە ڕۆژانەکان بەڕێوەچوو، کە گرنگییەکی زۆری بەخۆیەوە بینی، لە فێستیڤاڵەکەدا ئاسمیلەکردن و چۆنیەتی بونیادنانی ژیانێکی هاوبەش باسکرا.

 

قەدریە دۆغان، هاوسەرۆکی کۆمەڵەی عەلەوی دیموکراتیک "داد" ڕایگەیاند، گەلی عەلەوی چ لە ڕووی ئاین و لە ڕووی زمان و کولتوورییەوە لە ژێر فشاردایە.

 

قڕکردن بە ئاسمیلەکردن دەکرێت نەک فیزیکی

قەدریە دۆغان وتی: دەوڵەت دەیەوێت لە ڕێگەی شوێنەکانی پەرستنەوە باوەڕی عەلەوییەکان کۆنتڕۆڵ بکات، دامەزراوە فەرمییەکان دەیانەوێت دەستوەردان لە کۆمەڵگەدا بکەن لە پرسە تا دابەشکردنی عاشورا لە زۆرێک لە شارەکان، تاکە چارەسەر لەبەرامبەر زیادبوونی هێرشەکان ڕێکخستنە و پێویستە هەموو بەشەکانی تری وڵات بەرپرسیارێتی لەم بابەتەدا هەڵبگرن، خەڵک سەرەڕای جینۆساید باوەڕی خۆیان پاراست و ئەمڕۆ سیاسەتی جینۆساید بە شێوەیەکی جەستەیی لەسەریان بەڕێوەدەچێت، منداڵانی کورد عەلەوی لە ساڵی ١٩٣٨ خەتەنە کراون و ئەمڕۆ وانەی ئایینیان پێدەدرێت بە ئامانجی سەپاندنی بیری خۆیان.

 

"گەل جیا دەکەنەوە و دەیانکەن بە دوژمن"

لە درێژەی قسەکانیدا ئاماژەی بەوەکرد، هەموو ئەو بەڵێنانەی ئەمڕۆ لە دەرسیم دراون سەبارەت بە ئاوەدانکردنەوەن بۆ بونیادنانی ناسنامەی کورد و گرنگی زمانی دایک تا ئاستێک جێبەجێ ناکرێن، چونکە کۆمەڵگەی تورکیا چووەتە دۆخێکەوە کە ماوەیەکی زۆرە لەیەکتر جیابوونەتەوە، بە پێی ناسنامەی خۆیان و بیروباوەڕی نەتەوەیی خۆیان یەکتر ناناسن و بوونەتە دوژمن، وتی: بە پرۆسەیەکدا تێدەپەڕین کە سیاسەتی دوژمنایەتی زاڵە، دڵنیا دەبینەوە لەوەی کە شوناسە نەتەوەییەکان دەتوانن پێکەوە و بە ئازادی بژین و ئێمەش بۆ ئەمە خەبات دەکەین، نامانەوێت کەس نامۆ بکەین، پێکەوە خەبات دەکەین بۆ بونیادنانی ژیانێکی هاوبەش و بۆ ئەمەش ئیرادە گرنگترین خاڵە.

 

"بەهێز و ئیرادە بەرەنگاری ئاسمیلە توندوتیژەکانیان دەبینەوە"

قەدریە دۆغان ئاماژەی بەوەدا، فێستیڤاڵ و پانێڵ ئامڕازێکە لە خەباتکردن و وتی: حکومەتەکانی ئێستا مافی ژیانمان پێنادەن، بە سەردەمێکی وەهادا تێدەپەڕین کە لە سەردەمی کۆمارەوە دڕندەیی و کۆمەڵکوژی هەبووە و ئەمڕۆش ئاین نەک لە ڕووی جەستەییەوە، بەڵکو لە ڕووی کولتوورییەوە ئاسمیلە کراوە، ئێمە لە ڕێگەی پەروەردەوە ڕووبەڕووی ئاسمیلەکردنی سەخت دەبینەوە، بێگومان پێویست ناکات ڕێگە بەم کارە بدەین، چونکە بە هەمان هێز و ئیرادە بەرامبەر ئاسمیلە بەرخۆدان دەکەین.

 

بەبێ ئەوەی ڕێگە بەم ئاسمیلەکردنە بدەین، بەردەوام دەبین لە خەباتی خۆمان بۆ دووبارە بونیادنانەوەی خۆمان، لەم خاڵەدا پێویستمان بە ڕێکخستن هەیە، دەبێت تێبکۆشین، پێویستە فێستیڤاڵ و پانێڵەکان وەک ئامرازێک بۆ خۆپاراستن بەکاربهێنین.

 

"دەبێت هۆشیاری لە خەبات لە هەموو بوارێکدا هەبێت"

قەدریە دۆغان داوای لە هەموو لایەک کرد و ڕایگەیاند، بۆ ئەوەی حکومەت دەسەڵات کۆ نەکاتەوە، دەبێت هەموو بەشەکان یەکگرتوو بن، وتی: دەبێت بەشێوەیەکی دروست لەم بابەتە نزیک ببینەوە، سیستم نایەوێت ڕووبەڕووی ئەو کارە ببێتەوە کە کردوویەتی، سیستم نایەوێت میکانیزمی دەوڵەت و ئەو فۆرمەی کە بە یەکگرتوویی بونیادی ناوە لەناو ببات، گەلی کورد بە گشتی و ژن بەتایبەت پێویستیان بە فێربوونی خەبات هەیە، بەم شێوەیە بانگەوازی هەموو لایەک دەکەین، ئەم سیستمە هیچ پەیوەندییەکی نییە بۆ ئەوەی بوونی خۆی بپارێزێت، واز لە شەڕ دەهێنین و داوای ئاشتی دەکەین، پێویستە ئۆپۆزسیۆنی سەرەکی گوێ لە داواکارییەکانی کەرتە کۆمەڵایەتییەکان بگرێت لەم پرسەدا.