"پێویستە ستراتیجێک لە دژی توندوتیژی دژ بە ژنان پەرە پێ بدرێت"
موفیدە عەباسی سەرۆکی کۆمەڵەی ژنانی تونس ڕایگەیاند کەپێویستە بەرنامەی نوێ بۆ ژنانی توونس بناسێنن بەتایبەتی ئەو ژنە گەنجانەی کە دەستدرێژی و توندوتیژییان بەرامبەر دەکرێت، وتیشی: " ئەو ژنە گەنجانەی لە ماڵ و قوتابخانە و کۆرسی پەروەردە و شەقامەکان بێزارن، یارمەتی وەرناگرن دەترسن دەنگ هەڵبڕن بۆیە چەندین کێشەی لەو جۆرە بەنهێنی دەمێنێتەوەو هیچ سکاڵایەک تۆمار ناکرێت".
تونس
لەتونس توندوتیژی دژ بەژنان ڕوو لەزیادبوون دەکات و لە بەرامبەردا کۆمەڵگەی تونس بێدەنگە، موفیدە عەباسی سەرۆکی کۆمەڵەی ژنانی تونس داوای پەرەپێدانی ستراتیژی و بەرنامەی تایبەت کرد بۆ ڕاگرتنی توندوتیژی دژی ژنان و کچان، جەختیشی کردەوە کە ژنانی گەنج مەترسیدارترن بۆ توندوتیژی و لەو ناوچانەی وەک ماڵ و قوتابخانە و شەقام و خولی پەروەردە لە توندوتیژی ناپارێزرێن.
"زۆربەی حاڵەتەکانی توندوتیژی بەنهێنی دەمێننەوە"
موفیدە ئاماژەی بەوەدا کە هیچ میتۆدێکی جدی و ڕەشبین نییە بۆ چارەسەرکردنی ئەو کێشانە کاتێک کچانی گەنج پێویستیان بەیارمەتی دەروونی هەیە و کەسیش یارمەتیان نادات، بۆیە داوای لەدابەشکردنی ستراتیژی و بەرنامەی تایبەت بە کچانی کەم تەمەن و منداڵ کرد و جەختیکردەوە کە هیچ ڕێژەیەکی ڕەسمی نییە بۆ ڕەنگدانەوەی سەرجەمی ئەو ژن و کچانەی کە توندوتیژی و دەستدرێژیان لەسەر کراوە چونکە هەندێک ڕووداوی گێچەڵکردن و توندوتیژیڤ بە شاراوەیی دەمێننەوە.