گەرمیان

 

پانێڵ شۆپەكە لە لایەن هودا محەمەد، توێژەری کۆمەڵایەتی لە ڕێکخراوی خەڵک دەستیپێکرد و باسی مێژووی سەرهەڵدانی ٢٥ ی تشرینی دووەمی کرد و گرنگی ئەم ڕۆژە و چالاکیەکانی ئەم ڕۆژەی بۆ هوشیارکردنەوەی خەڵک بۆ بەرەنگاربووەوەی هەموو جۆرە توندوتیژییەک کە ڕوبەڕووی ئەبنەوە ڕوونکردەوە.

محەمەد عەلی، نەقیبی مافپەروەر، لە ڕووی یاساییەوە ڕێکار و شیوازی بەرەنگاربوونەوەکانی ڕوون کردەوە دەربارەی توندوتیژی دژ بە ژنان و خێزان و باسی یاساکان و لێکۆڵینەوەکانی کرد لەو کەیسانەی کە دێتە لایان لە بەڕێوەبەرایەتی بەرەنگاربوونەوەی توندوتیژی دژ بە ژنان لە گەرمیان.

هەروەها هەیفا مەجید، مامۆستا و چالاکوانی مەدەنی باسی کاریگەری ڕۆشنبیری لە کەمکردنەوەی توندوتیژی کرد و ڕۆڵی پەروەردە و ناوەندەکانی خوێندنی لە هوشیارکردنەوە بە گرنگ نرخاند.

لە کۆتایی پانێڵ شۆپەکەدا دڵشاد ئیسماعیل، مامۆستای زانکۆ باسی لە توندوتیژی کرد لە مێژووداو گفتوگۆیەکی گەرم لە نێوان میوانەکان و پانێڵیستەکان کرا دەربارەی ڕێگاچارەکان بۆ کەمکردنەوەو نەهێشتنی توندوتیژی لە ناو کۆمەڵگای کوردیدا.