ناوەندی هەواڵ

 

بەپێی ڕاپۆرتە میدیاییەکان، فێستیڤاڵی فیلمی شەنگەهای سانسۆری لەسەر ناوی کوردستان کردووە لە ڕیکلامدا و بە فیلمی "دراوسێ" ناساندویەتی.

 

فیلمی "دراوسێ" لەلایەن مانۆ خەلیل، فیلمسازی کوردی خەڵکی قامیشلۆ لە ڕۆژئاوای کوردستان بەرهەم هاتووە، ژانەری فیلمەکە درامایە و چیرۆکی ژیانی منداڵێکی شاد و دڵخۆش دەگێڕێتەوە کە لە ژیانی سەختی جەنگ و ستەمکاریدا دەژی.

 

فیلمەکە پێشتر چەندین خەڵاتی لە فێستیڤاڵە جۆراوجۆرەکانی جیهاندا بەدەستهێناوە، ماڵپەڕێکی سویسری ناوی کوردستانی وەک شوێنی وێنەگرتن و دروستکردنی فیلمەکە ڕاگەیاندووە، ستافی فێستیڤاڵی ئەمساڵی شەنگەهای لەسەر پەڕەکانی ناساندنی ئەم فیلمە ناوی کوردستانیان لەسەر دەستەواژەی "شوێنی وێنەگرتن" لابردووە.

 

ت.پ