ناوەندی هەواڵ

 

ڕۆژ هەڵاتی کوردستان و ئێران شایەتحاڵی بەردەوامی هەڵکشانی سەربازییە لە کاتێکدا هێرشەکانی ئیسرائیل-ئەمریکا چەندین شاری گەورەیان کردۆتە ئامانج، بەردەوامن و لە ئەنجامدا زیانی گیانی بە شێوەیەکی بەرچاو زیادی کردووە، بەتایبەتی لەنێو هاوڵاتیانی مەدەنیدا.

 

بەگوێرەی ڕاپۆرتە ناوخۆییەکان، ئەو هێرشانە کە شوێنی جیاوازە لەوان تاران، ئەسفەهان، شیراز، بوشهریان کردۆتە ئامانج، دەیان کوژراو و برینداری لێکەوتووەتەوە کە ١٥ کرێکاریان لە دامەزراوە پیشەسازییەکان بوون.

 

ڕاپۆرتێکی ئاژانسی هەواڵی هەرانا ئاشکرای کردووە کە لە ماوەی ٢٤ کاتژمێری ڕابردوودا، بە لانیکەم ٢٨٥ هێرش لە ٩٤ ڕووداودا لە سەرانسەری ١٨ پارێزگای ڕۆژهەڵاتی کوردستان و ئێران تۆمارکراوە و لە ئەنجامدا ٣٠ کەس گیانیان لەدەستداوە، لەنێویاندا هاوڵاتیانی مەدەنی.

 

بەگوێرەی ئەو ڕاپۆرتە، کە لە سەرەتای دەستپێکردنی هێرشەکانی سەر ڕۆژهەڵاتی کوردستان و ئێرانەوە ژمارەی قوربانیانی مەدەنی بۆ هەزار و ٣١٩ کەس بەرزبووەتەوە بە لانیکەم ٢٠٦ منداڵیان تێدایە، هەروەها تا ئێستا ڕوون نییە کە ئایا ٥٩٩ کەس لە کوژراوەکان کارمەندی سەربازی بوون یان مەدەنی بوون.