ناوەندی هەواڵ

 

لە هۆڵی یەکێتی نووسەران لە شاری سلێمانی ڕێکخراوی کوردستان دیالۆگ و ناوەندی چوارباخ بە هاوکاری یەکێتی نوسەران، ئێوارە کۆڕێکی بۆ بەرز ڕاگرتنی ٢١ی شوبات ڕۆژی جیهانی زمانی دایک، بە ئامادەبوونی بەشێک لە مامۆستایان، نووسەران و ڕوشنبیرانی شارەکە ڕێکخست.

کۆڕەکە بە مارشی ئەی ڕەقیب و دەقەیەک وەستان بۆ ڕێزگرتن لە زمانی کوردی دەستیپێکرد پاشان وتاری دەستەی نوسەرانی سلێمانی خوێندرایەوە.

 

لە کۆرەکەدا گفتوگۆیەتی کراوە لەسەر گرنگی زمان و زمانی کوردی، هەروەها مەترسییەکانی ئەمڕۆ لەسەر لەناوچوونی زمانی کوردی خرایەڕوو، ئاماژەش بەوە کرا پێویستە هەوڵ بۆ پاراستن و بەرەو پێشچوونی بدرێت.

 

هەر لە کۆڕەکەدا کتێبی "زمان و مان" کە بەرهەمی ١٤ نووسەرە دەربارەی زمان نوسراوە، پێشکەش بە ئامادەبووان کرا.

 

ت.پ