ئامەد

 

ناوی ئەو پیرۆزباییە کە چاوی هەمووان لەسەریەتی ئەمساڵ نەگۆڕاوە، ئاهەنگەکە لە پارکی نەورۆز لە ناوچەی ڕێزان بەڕێوەدەچێت، چەند ڕۆژێک پێشتر ئامادەکارییەکان بۆ ئاهەنگەکە دەستیپێکردبوو، قۆناغی کۆنکرێتی پێشوو ڕووخێنرا و سەکۆیەکی گەورە لە شوێنی دروستکرا، سەکۆکە بە دروشمی نەورۆز و دروشمی "ژن، ژیان، ئازادی" ڕازاوەتەوە، لە هەمانکاتدا پلاتفۆرمی پرۆتۆکۆڵ بۆ سەدان میوانی بانگهێشتکراو لە دەرەوە دانرا.

 

هەروەها وێنەیەکی گەورەی کەمال کورکووت کە لە نەورۆزی ساڵی ٢٠١٧ کە لە ئامەد کوژرا، لە مەیدانەکەدا هەڵواسر، هەروەها قسەکانی ڕێبەری گەلی کورد عەبدوڵا ئۆجەلان وەک "لە گەنجانەوە دەستمان پێکرد، بە گەنجان سەردەکەوین"، "ئازادی سەردەکەوێت"، "ئەوانەی نازانن قسە لەگەڵ ژن بکەن ناتوانن سۆسیالیست بن"، "بنەمای سەرەکی من ژیانێکی ئەفسوناوییە" و "ئامانجی گەردوون ئازادییە" لە مەیدانەکەدا هەڵواسراوون.

 

گەل لە هەر چوار لاوە دەچنە مەیدانی نەورۆز

وەک هەموو ساڵێک ئەمساڵ هێشتا کاتێکی زۆر هەبوو بۆ ئاهەنگگێڕان چونکە هاوڵاتیان لە کاتژمێرەکانی سەرەتای بەیانیدا گەیشتنە مەیدانەکە، هەزاران کەس لە شارو شارۆچکە و گەڕەک و گوندەکانی دەوروبەرەوە ڕوویان لە ناوچەی نەورۆز کرد لە ئامەد، هاوڵاتییەکی زۆر لە بازگەکانی بلواری قامیشلۆ و شەقامی نەورۆز و گەڕەکی باگچیلار ڕیزیان گرتووە.

 

دروشمی "بژی ڕێبەر ئاپۆ" و "ژن، ژیان، ئازادی" لە هەموو ڕێگایەک کە بەرەو مەیدانەکە دەچێت دەوترێتەوە، زۆرینەی جەماوەرەکە لە گەنجان و ژنان پێکدێنم، بەشێکی زۆری دانیشتووان جلوبەرگی کوردییان لەبەردایە، هەروەها زۆرێک لە خێزانەکان منداڵەکانیان لەگەڵدایە.

 

لە هەموو ڕێگایەک کە بەرەو ناوچەی نەورۆز دەڕوات، جۆش و خرۆشێکی زۆر هەیە، لە زۆرینەی کۆڵان و شەقامەکاندا بە دەنگی تەپڵ هەڵپەڕکێ هەیە.

 

جەماوەرەکە بە دروشمی "بژی ڕێبەر ئاپۆ"، "گەنج قوربانی ئاپۆ" و "ژن ژیان، ئازادی" چوونە ناو مەیدانی نەورۆز.

 

لە هەمانکاتدا ژمارەیەکی پێوانەیی لە ڕۆژنامەنووسان داوای باوەڕپێکردنیان کرد بۆ ڕووماڵکردنی ئاهەنگەکان، ٦٢٩ ڕۆژنامەنووس لە ناوخۆ و دەرەوە باوەڕپێکراو بوون بۆ ڕووماڵکردنی نەورۆز.

 

بەرنامەی ئاهەنگەکە

ئاهەنگەکە بە سڵاو دەست پێدەکات، پاشان سڵاو لە گەل دەکرێت، مەهمەت کاماچ لە هاوپەیمانی کوردستانی، سەباحەت تونجەل، چالاکوانی تەژەئا، ئۆزگور فایک ئەرۆڵ، پارێزەری فەرمانگەی یاسایی ئەسرین چیگدەم کلیچگون ئۆچەر، هاوسەرۆکی دەبەپە، تونجەر باقرهان، هاوسەرۆکی دەم پارتی قسە دەکەن.

 

لە هەمانکاتدا هەریەکە لە کەمەنچە، ئارهات، گروپ ئاڤنا، ئایفەر دوزداش و ڕێوشان چەلیکەر لەسەر شانۆ نمایش دەکەن.

 

تەوەری سەرەکی نەورۆزی ئەمساڵ لە ئامەد بانگەوازی مێژوویی "ئاشتی و کۆمەڵگەیەکی دیموکراتیک"ە لەلایەن ڕێبەری گەلی کورد عەبدوڵا ئۆجالانەوە کە ڕۆژی ٢٧ شوبات ڕاگەیەندرا، دەبێت.