ناوەندی هەواڵ

 

وەزارەتی تەندروستی سوودان سەبارەت بە ژمارەی توشبووانی نەخۆشی كۆلێرا و ژمارەی ئەو هاوڵاتیانەی بەهۆی نەخۆشییەكەوە گیانیان لەدەستداوە، ڕاگەیەندراوێكی بڵاوكردەوەو تێیدا هاتووە: ٢٣٤ حاڵەتی نوێی تووشبوو بە نەخۆشی كۆلێرا لە ویلایەتی قەزارف و كەسەلای سوودان تۆماركراوە، بەمەش كۆی ژمارەی تووشبووان گەیشتووەتە دوو هەزار و ٥٨٣ كەس.

 

ئاماژە بەوەشكراوە، ژمارەی گیانلەدەستدان بەهۆی نەخۆشییەكەوە گەیشتووەتە ٩٨ حاڵەت، ئەمەش نیگەرانی لەبارەی دۆخی تەندرووستی وڵاتەکەمان درووست كردووە.

 

ئەوەش خراوەتەڕوو، ١٧٦ هەزار و ٥٠٢ كەس بەهۆی باران و لافاوەوە لە ١١ ویلایەتدا زیانیان بەركەوتووە و ٥١٣ حاڵەتی نوێی تووشبوونی كۆلێرایان تیادا تۆماركراوە، هەروەها ١٨ هەزار و ٨٣٨ ماڵ بە تەواوی ڕووخاون و ١٥ هەزار و ٧٤ ماڵیش بەشێكیان ڕووخاون.

 

لە ١٩ی ئاب، ەرپرسانی تەندرووستی لە سوودان ڕایانگەیاند بوو، وڵاتەكەیان بەدەست بڵاوبوونەوەی نەخۆشی كۆلێرا دەناڵێنێت، كە لە چەند هەفتەی ڕابردوودا ٢٠ كەسی كوشتووە و سەدان كەسی دیكەش تووشی نەخۆشییەكە بوون.

 

پێشتر ڕێكخراوی تەندروستی جیهانی ڕایگەیاندبوو، ئەمساڵ تا ٢٨ی تەمووز لە سوودان ٧٨ حاڵەتی مردن بەهۆی كۆلێرا تۆماركراوە، هەروەها نەخۆشییەكە لە نێوان ١ بۆ ٢٨ی تەمموز زیاتر لە دوو هەزار و ٤٠٠ كەسی تووش كردووە.