ناوەندی هەواڵ

 

لە شاری سلێمانی، مۆزەخانەی نیشتمانی ئەمنە سوورەکە زیاتر لە ١٠ هەزار کتێب لە ناوەندە ڕۆشنبیری، زانکۆ، کەسایەتیەکان و کتێبخانەی تایبەتی جەلال تاڵەبانی سکرتێری گشتی پێشووی یەکێتی نیشتمانی کوردستان، دەنێردرێت بۆ کتێبخانەی گشتی کۆبانێ، لە درێژەی کەمپینی پشتگیری لە رۆژئاواش، کەمپینی پشتگیری کلتوری ڕۆژئاوایە، بەڕێوەربەری مۆزەخانەی ئەمنە سوورەکە ڕایگەیاند: "لە دوای هاوکارییەکانمان بۆ ڕۆژئاوای کوردستان، بە شێوەیەکی فەرمی لە ڕاگەیاندراوێکدا پڕۆژەی کۆکردنەوەی کتێب و سەرچاوە زانستییەکانمان بڵاوکردەوە و لە ماوەی سێ ساڵدا زیاتر لە ١٠ هەزار کتێبمان کۆکردۆتەوە و پشتگیرییە کلتورییەکانیشمان بۆ ڕۆژئاوای کوردستان بەردەوام دەبێت".

واش بڕیارە لە ڕۆژئاوای کوردستان لە ناوەندە پەروەردەییەکان بەشی زمانی کوردی-سۆرانی بکرێتەوە، و مەنهەجی ئەلف و بێی سۆرانی بۆ قۆناغی سەرەتایی زیاد بکرێت.

 

ت.پ