مەخموور

 

فێستیڤاڵی ٤ی نیسانی کولتووری و وەرزشی، کە بە بۆنەی ڕۆژی لە دایکبوونی ڕێبەری گەلی کورد عەبدوڵا ئۆجالان، هەموو ساڵێک لەلایەن ناوچەی پەروەردەی کامپی پەنابەرانی شەهید ڕۆستەم جودی "مەخموور"ەوە ڕێکدەخرێت، ئەمساڵ ١٧یەمین فێستیڤاڵ لە ١٨ی شوبات بە پاڵەوانێتییەکی تۆپی پێ دەستیپێکرد و ئەمڕۆش بە کردنەوەی پێشانگا بەردەوامە.

 

پێشانگاکە لە هۆڵی کۆنفڕانس پێشکەش بە ڕای گشتی کرا، پێشانگاکە کە لەلایەن ئەندامانی وۆرکشۆپی شەهید دەلیلا و خوێندکارانی خوێندنگەکانی سەرەتایی و ناوەندی و ئامادەیی ئامادەکرابوو، لە پێشانگاکەدا پێشکەشکرا، هەروەها لە پێشانگاکەدا بەرهەمی ئەندامانی کۆمەڵگەی هونەر و کولتووری نمایشکرا.

 

پێش کردنەوەی پێشانگاکە بۆ یادی سەرجەم شەهیدانی ئازادی کوردستان خولەکێک ڕێزگرتن بەڕێوەچوو. دوای مەراسیمەکە مامۆستا فەرهات کاچان باسی لە گرنگی و واتای ئەو ڕۆژە کرد.

 

فەرهات کاچان، لە سەرەتای قسەکانیدا ڕۆژی ٤ی نیسان، لەدایکبوونی ڕێبەری گەلی کورد عەبدوڵا ئۆجالانی بەرز ڕاگرت و وتی: ئێمە ئەم ڕۆژە نەک هەر وەک لە دایکبوونێک، بەڵکو وەک پێکهاتن و بەرخۆدان و یاخیبوونێک پیرۆز دەکەین، ئەم ڕۆژە وەک شوێنی پەروەردە و فێرخوازانی ڕێبەر ئاپۆ تەرخان دەکەین بۆ هەموو مرۆڤایەتی.

 

پێشانگاکە تا ٤ی نیسان کراوە دەبێت بەڕووی خەڵکدا، سبەی بەیانیش پێشبڕکێی وەرزشی نێوان خوێندنگەکان لە یاریگای تۆپی پێ بەڕێوەدەچێت.