نورشان عەبدی

 

کۆبانێ - ژنانی ناوچەی باکوور و ڕۆژهەڵاتی سووریا، ڕۆژهەڵاتی ناوەڕاست بەگشتی کاریگەری هزر و فەلسەفەی ڕێبەری گەلی کورد عەبدوڵا ئۆجالان بوون ، ڕێگای ئازادی و دادپەروەری بۆ ژنان کردەوە  بۆیە ئەوانەی بیری ئەویان ناسیوە و دەزانن کە ڕۆژی لەدایکبوونی ئەو دەکەوێتە ٤ ی نیسان بەلەدایکبوونێکی نوێ بۆ خۆیان دادەنێن.

 

بیری ڕێبەری گەلی کورد عەبدوڵا ئۆجالان یارمەتیدەر بوو بۆ دابینکردنی نەخشەڕێگایەک بۆ گێڕانەوەی ژنان بۆ شوێنی سروشتی خۆیان و بەدیهێنانی یەکسانی تەواو، بێ کەمکردنەوە لەگەڵ پیاوان لە بەڕێوەبردنی ژیان و ماف و ئەرکەکاندا، ڕێبەری گەلی کورد عەبدوڵڵا ئۆجالان لە ساڵی ١٩٤٨ لە گوندی ئامارەی باکووری شاری ڕەحا لە باکووری کوردستان لەدایک بووە، ژیانی خۆی لە تێکۆشان و بەرخۆدان لە پێناو ئازادی کۆمەڵگەکان لەسەر بنەمای ئازادی ژنان بەسەر بردووە، بەڵام ٢٦ ساڵ لەمەوبەر پیلانێک لە دژی داڕێژرا کە بووە هۆی دەستگیرکردن و زیندانی کردنی لە دوورگەی ئیمرالی تورکیا لە گۆشەگیرییەکی تونددا، ٧٦ ساڵەی لەدایکبوونی ڕێبەری گەلی کورد عەبدوڵا ئۆجالان تێدەپەڕێت، هیچ هەنگاوێکی نوێ لە لایەن دەوڵەتی تورکیاوە بۆ ئازادکردنی لەبەرچاو نەگیراوە.

 

ماجیدە حەسون ئەندامی ڕێکخەری کۆنگرەی ئەستێرە لە کۆبانی ڕایگەیاند  " لەدایکبوونی ڕێبەری مرۆڤایەتی و دێموکراتی و پێشەنگی یەکسانی و دادپەروەری لەدایکبوونێکی نوێیە بۆ ئێمە  لەڕاستیدا کاتێک باس لە ڕێبەری گەلی کورد عەبدوڵا ئۆجالان و لەدایکبوونی دەکەین ڕاستەوخۆ بیر لە قوربانییەکانی دەکەینەوە بۆ ئێمە و ئەو هزر و فەلسەفەی کە پێیداوین و ئەمڕۆ بەهۆی ئەوەوە لەم قۆناغەدا دەژین لەهەرێمەکەماندا.

 

جەختی لەوە کردەوە کە پەیوەندییەکی تایبەت لەنێوان فەرماندە ئۆجالان و ژناندا هەیە، فەلسەفەی ڕێبەری گەلی کورد  عەبدوڵا ئۆجالان لەسەر بنەمای ئازادی ژنان دامەزراوە، لەڕاستیدا هەرچەندە قسە لەسەر ئەم پەیوەندییە بکەین مافی خۆی نادەین، چونکە ئەمڕۆ ڕێبەرمان لە پێناو خۆمان و ئازادی و دۆزی خۆماندا دەستگیرکراوە و لە گۆشەگیریدا دەژیت.

 

ڕێبەری گەلی کورد عەبدوڵا  ئۆجالان کاری زۆری کردووە لە پێناو کۆمەڵگە و بڵاوکردنەوەی ئاشتی و دێموکراتیک و دادپەروەری و بۆ دۆزی کورد، بەتایبەتی چەندین داواکاری و بیروڕای پێشکەش بە ژنان و پێشکەوتنیان کردووە، سروشتییە وەڵامی ژنان ئەوەیە کە بەرپرسیارێتی بڵاوکردنەوەی بیروڕای خۆی لە ئەستۆ بگرن، بەردەوامن لە داواکردنی ئازادی جەستەیی و بەشداریکردن لە جێبەجێکردنی پڕۆژەکەی، پڕۆژەی نەتەوەی دێموکراتی و گەیشتن بە کۆمەڵگەیەکی دێموکراتی.

 

ئاماژەی بەوەشکرد، ٤ی نیسان ڕۆژی لەدایکبوونی ئاشتی و دێموکراتی و دادپەروەرییە واتە ڕۆژی لەدایکبوونەوەی کۆمەڵگە چونکە هزر و فەلسەفەی ڕێبەری گەلی کورد ئۆجالان، ڕێڕەوی کۆمەڵگەی لە سەرمایەداری و ستەم و دەسەڵاتەوە گۆڕی بۆ ئەوەی ئەمڕۆ لە ناوچەی باکوور و ڕۆژهەڵاتی سووریادا دەژین ،واتە دادپەروەری و یەکسانی نێوان هەردوو ڕەگەز و پێکهاتە و پێدانی مافی ژیان لە نیشتیمانی خۆی بە ناسنامە و قەوارە و زمانەکەیەوە.

 

"ساڵیادی لە کۆبانێ لەبیرنەکراوە"

ماجیدە حەسون ئاماژەی بەوەشکرد کە تێپەڕبوونی فەرماندەڕێبەری گەلی کورد  عەبدوڵڵا ئۆجالان لەکۆبانێ، چەند ساڵێک لەمەوبەر زۆر گرنگە و ڕێبەری گەلی کورد  عەبدوڵڵا ئۆجالان کۆبوونەوەی بۆ هاوڵاتیان بەست، دەرگای گفتوگۆی لەگەڵدا کردنەوە، ئەمەش کاریگەری ئەرێنی لەسەر هزری ئەم کۆمەڵگەیە و عەقڵییەتی پیاوان و ڕەوتی ژیانی ژنانیش هەبوو و بۆ ئەمەش گوندی ئەلبلور تایبەتمەندی خۆی هەیە و ئێمە هەموو ساڵێک لەو ماڵەدا ئاهەنگی لەدایکبوونی ئەو دەگێڕین کە تێیدا ماوەتەوە.

 

ڕوونیشیکردەوە، لەم قۆناغەدا و لەم کاتەدا ئاهەنگ و دروشمی ئێمە بە بۆنەی لەدایکبوونی ڕێبەری گەلی کورد عەبدوڵا ئۆجالان ڕوون دەبێتەوە ،وەک ئەوەی لە هەشتی ئادار و ڕۆژی نەورۆزدا بوو، بەردەوامی خەبات و بەرخۆدانێکە لەسەر هەنگاوەکانی فیکری و فەلسەفەی ڕێبەری گەلی کورد عەبدوڵڵا ئۆجالان و ئەو ئیرادە و ڕۆحە لەو پەیامەی ئاراستەی گەل و ژنانی کرد هەڵقوڵاوە.

 

لەدایکبوونێکی نوێ بۆ ژنان

ماجیدە حەسون پێیوایە لەدایکبوونی ڕێبەری گەلی کورد عەبدوڵڵا ئۆجالان لەدایکبوونێکی نوێیە بۆ ژنان، بۆیە پێویستە هەموو ژنێک لەم ڕۆژەدا هەنگاوی تێکۆشان و بەرخۆدانی خۆی بەرز بکاتەوە بۆ ئەوەی بتوانێت ئەو توندوتیژی و زوڵمە نەهێڵێت ، کەوتووەتە بەر و بتوانێت بیروڕای کۆمەڵگە بگۆڕێت، ئەم مەبەستەش دەبێت فەلسەفەی ڕێبەری گەلی کورد عەبدوڵا ئۆجالان بۆ ژنانی سەر زەوی جێبەجێ بکەین و خۆمان بەو فەلسەفەیە ڕێکبخەین.

 

سه رده می ئازادی ژنان

ماجیدە حەسون ئەندامی ڕێکخەری کۆنگرەی ستار لە کۆبانی کۆتایی بە قسەکانی هێنا ،وتی: ئەم سەدەیە بە سەدەی ئازادی ژنان دادەنرێت و ئەمەش بەهۆی بیرکردنەوەی ڕێبەری گەلی کورد عەبدوڵڵا ئۆجالانەوە ،بۆیە پێویستە هەموو ژنێک درێژە بە خەبات و تێکۆشان بدات بۆ گەیشتن بە ئازادی خۆی و ئازادی کۆمەڵگەکەی بەو فەلسەفەیە کە ڕێبەری گەلی کورد عەبدوڵا ئۆجالان فەلسەفەی ژن، ژیان، ئازادی پێشکەشی کردووە ، دەبێت لە ڕۆژهەڵاتی ناوەڕاستدا یەکبگرین بۆ ئازادکردنی جەستەیی ڕێبەری گەلی کورد عەبدوڵا ئۆجالان و گەیشتن بە ئازادی هەموو ژنان.