بۆ ٨ی ئادار ڕۆژی جیهانی ژنان، لە کەتەلۆنیا پانێڵێک بە ناونیشانی "تێکۆشانی ژنانی کورد" بەڕێوەچوو.

ناوەندی هەواڵ

 

لە چوارچێوەی چالاکییەکانی ٨ی ئاداردا، ئەنجوونی زانکۆی ئۆتۆنۆم لە بەرشلۆنە بۆ خوێندکارانی کۆلیژی سیاسەت و کۆمەڵناسی،  کۆمسیۆنی فێمینیست و کۆمیتەی ژنۆلۆژی لە کەتەلۆنیا، پانێلێکیان بە ناونیشانی "تێکۆشانی ژنانی کورد" ڕێکخست.

 

لە پانێڵەکەدا کە نزیکەی ٥٠ خوێندکار بەشدارییان تێدا کرد، مێژووی تێکۆشانی ژنانی کورد بە وردی و بەرفراوانی شیکرایەوە، قۆناغ بە قۆناغ تێکۆشانی ژنان لە بەرخۆدانی زیندانەوە تاوەکو پێشەنگایەتیی ژنان باسکرا.

 

هەروەها لە پانێلەکەدا بارودۆخی ڕێبەری گەلی کورد عەبدوڵا ئۆجالان هەڵسەنگێندرا و لەبارەی دۆخی کوردستانیشەوە گفتوگۆ کرا.