ناوەندی هەواڵ

 

٣٠ی کانوونی یەکەم، لە ڕووداوێکی تەمومژاویدا لە گەڕەکی قەسابخانەی شاری کەرکوک، ژنێک بە  ناوی ''ن. م'' و لەدایکبووی ساڵی ١٩٨٦، کە دایکی سێ مناڵە ''دوو کچ و کوڕێک''، لە ناو حەوشەی ماڵەکەی خۆیدا کوژرا، کە  بەپێی زانیارییە ئەمنییەکان، کەسێک چوەتە سەر ماڵی ئەو ژنە و پاش ئەنجامدانی تاوانەکە لە ماڵەکە چووەتە دەرەوە، دواتر دەرکەوتووە کە ژنەکەی سەربڕیوە.

 

محەمەد عامر شوانی، وتەبێژی پۆلیسی کەرکووک، ڕووداوەکەی پشتڕاستکردەوە و وتی: تیمەکانمان گەیشتوونەتە شوێنی ڕووداوەکە و پەڕاوی لێکۆڵینەوەیان بۆ ئەم کەیسە کردووەتەوە، ئەو ژنەی کوژراوە تەمەنی ٤٠ ساڵە و بنەچە خەڵکی پارێزگای مووسڵە، لە کاتی ڕووداوەکەدا لەگەڵ سێ منداڵەکەی لە ناو ماڵەکەدا بووە.

 

ئەمە لە کاتێکدا شەوی ٢٩ی کانوونی یەکەمیش، لە شاری هەولێر، ژنێکی دووگیان کوژرا.