ناوەندی هەواڵ                        

 

لە کۆنگرەیەکی ڕۆژنامەوانیدا لە کامپی پەنابەرانی شەهید ڕۆستەم جودیم ئەنجومەنی عشتار، لە بەیاننامەیەکدا چالاکییەکانی ٨ی مارسی ڕاگەیاند، و کۆنگرەکەشیان بە خولەکێک وەستان بۆ گیانی سەرجەم پاکڕەوانی تاڤگەری ئازادی کوردستان دەستپێکرد.

 

بەیاننامەی ئەنجومەنی عەشتار لەلایەن هاوسەرۆکی ئەنجومەنی گەلی دیموکراتیک،چیچەک جەنگیزەوە خوێندرایەوە و تێیدا هاتبوو: "ئێمە وەک گەلی کورد و ژنانی جیهان، لە مانگی بەهاردا هەشتی مارس پیرۆز دەكەین ‌و هەموو ساڵێک لە کامپی مەخموور، لە دەستپێکردنی مانگی ئازاردا، چالاكییەكانی هەشتی مارس ڕادەگەیەنین".

 

چالاکییەکانی ئەنجومەنەکە لە کۆنگرە ڕۆژنامەوانییەکەدا خرایە ڕوو بەم شێوەیە:

لە سێی ئازاردا، پێشانگایەک نمایش دەکرێت.

لە ڕۆژی پێنجی ئازاردا، سیمینارێک لەسەر گرنگیی هەشتی مارس ساز دەکرێت.

بە ڕێبەرایەتیی (TJCD) ڕۆژی حەوتی ئازار، ڕێپێوانێک ڕێکدەخرێت و هەموو ژنانی کامپەکە بە جلی کوردییەوە، هەشتی مارس پیرۆز دەکەن.

 

ت.پ