لە ئامەد و ماردین فشاری پۆلیسی تورک لەسەر موزیکژەنە کوردەکان لە کۆڵانەکان شەرمەزار کرا.

ناوەندی هەواڵ

 

دەزگا کلتوری، هونەری و زمان فشاری پۆلیسی لەسەر موزیکژەنە کوردەکان لە کۆڵانەکان و ڕێگریکردن لە موزیکی کوردیان شەرمەزار کرد و چالاکی لە کۆڵانی هونەری ئامەد ئەنجامدرا کە تەژەئا، کۆمەڵەی کلتوری و هونەری دیجلە و فورات، ئەکادیمی موزیکی ما موزیک، مەد – دەر، مەبیا – دەر، گوڵستان ئاتاسۆی هاوسەرۆکی هەدەپەی ئامەد و ئەندامانی تەمەمەئۆبە بەشداریان تێدا کرد.

 

بە گۆرانی کوردی و هەڵپەڕکێ ئاستەنگی و قەدەغەکردنی سەر زمان و هونەری کوردی شەرمەزارکرا.

 

لە ماردینیش بەهەمان شێوە ناوەندی کلتوری و هونەری میزۆپۆتامیا لە بەردەم مەدرەسەی زینجیریە بە گۆرانی کوردی هێرشەکەیان شەرمەزار کرد، چالاکوانانی تەژەئا و هەدەپە پشتگیریان لە چالاکیەکە کرد، ژنان رایانگەیاند قەدەغەکان قبوڵ ناکەن.

 

ژنان بە چەپڵەلێدان و هەلهەلەلێدان دەستیان بە هەڵپەڕکێ کرد و گەلیش پشتگیری لە چالاکیەکە کرد.